Кормандони Раёсати Хадамоти назорати давлатии фаъолияти фарматсевтӣ дар вилояти Суғд баҳри таъмини мардуми вилоят бо маводи доруворӣ, молҳои тиббӣ, маводи ороишию гигиенӣ ва иловаҳои фаъоли биологии хушсифат, судманд ва бехатар дар 701 муассисаҳои фарматсевтӣ, 114 муассисаҳои табобатию профилактикӣ, новобаста аз шакли моликияташон ва 334 мағоза, нуқтаву дўконҳои фурўши маводҳои ороишию гигиенӣ назорат ва санҷишҳо гузарониданд.
Дар натиҷа 451 номгўй ба миқдори 28954 адад маводҳои доруворӣ, молҳои тиббӣ ва маводҳои ороишию гигиении мўҳлати истифодабариашон гузашта, 903 номгўй ба миқдори 22732 адад маводҳои доруворӣ ва молҳои тиббии бесертификати мутобиқати сифат, 20 номгўй маводҳои доруворӣ ва 43 номгўй ба миқдори 1150 адад маводҳои ороишию гигиении ба талаботи стандартҳои муқарраршуда ҷавобгўй набуда дарёфт карда шуд.
Дар асоси камбудиҳои ошкоргардида нисбати 103 нафар соҳибкорони инфиродӣ, кормандони муассисаҳои фарматсевтӣ ва кормандони муассисаҳои табобатию профилактикӣ, новобаста аз шакли моликияташон, бо талаботи моддаҳои 121 ва 122 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз карда, ба маблағи умумии 207 ҳазору 400 сомонӣ ҷаримабандӣ ва пурра ба буҷаи давлат ситонида шуд.
Дар ин бора Хадамоти матбуоти Раиси вилояти Суғд хабар медиҳад
Нет комментариев