Шоми гузашта ду духтарчаи ноболиғ дар шаҳри Исфара аз дуди ангишт заҳролуд гардида, ҷон додаанд.
Бино ба иттилои Раёсати корҳои дохилӣ дар вилояти Суғд, ҳодиса 9-уми феврал соати 16:10 дақиқа дар ҷамоати Навгилеми шаҳри Исфара рух додааст. Як зани 56-сола ҳамроҳ бо 2 наберааш аз дуди ангишт заҳролуд шуданд.
Аз ин заҳролудшудавӣ ноболиғон духтарчаҳои 11 ва 7-сола дар ҷои ҳодиса ба ҳалокат расида, бибии онҳо ба беморхона интиқол ёфтааст. Дар зимистони имсола ҳодисаи заҳролудшавӣ аз дуди ангишт бори нахуст аст.
Солҳои пеш бахусус соли 2014 ҳодисаҳои ҳалокати шаҳрвандон аз дуди ангишт зиёд ба қайд гирифта шуда буд. Азҷумла шаби 7-ум ба 8-уми декабри соли 2014 дар деҳаи Бакарони Ҷамаоти деҳоти “Симинганҷ”-и шаҳри Ваҳдат як модар бо 4 фарзандаш аз дуди ғализи ангишт ба ҳалокат расида буданд.
Манбаъ: http://www.tojnews.tj
Нет комментариев