Вазорати умури дохилии Тоҷикистон аз боздошти марди 50-сола, сокини ноҳияи Бобоҷон Ғафуров хабар дод, ки дар тамаъҷӯӣ муттаҳам мешавад.
Ба иттилои ин ниҳод боздоштшуда моҳи сентябри соли 2015 бо як зани 37-солаи сокини ноҳияи Бобоҷон Ғафуров муносибатҳои маҳрамона доштаст: “Сипас, бо таҳдиди он, ки ин муносибатҳоро тавассути интернет дар назди ҳама ошкор мекунад, бо роҳи тамаъҷӯӣ аз зани номбурда маблағи 300-сомонӣ гирифтааст. Баъдан моҳи январи соли 2016 боз бо роҳи тамаъҷӯӣ маблағи 1000-сомонӣ гирифтааст”.
Вазорати умури дохилӣ мегӯяд, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.
Ин нахустин ҳолати тамаъҷӯӣ бо истифода аз муносибатҳои маҳрамона дар Тоҷикистон нест. Охили соли 2015 мақомоти як зани 20-сола, сокини шаҳри Исфараро боздошт карданд, аз моҳи августи соли 2014 то моҳи октябри соли 2015, барои паҳн накардани сабти наворҳои алоқаи ҷинсиашон аз собиқ маъшуқаш, сокини 23-солаи ноҳияи Мастчоҳ 1000-доллари амрикоӣ гирифтааст.
Манбаъ:http://www.ozodagon.com/
Нет комментариев