Кормандони Кумитаи давлатии амнияти миллии ҷумҳурӣ дар ҳамдастӣ бо марзбонон рӯзи шанбеи ҳафтаи гузашта зимни интиқоли миқдори зиёди маводи мухаддири ҳашиш ба Душанбе аз ноҳияи Шӯроободи ҳаммарз бо Афғонистон чор нафар кормандони шуъбаи мубориза бо гардиши ғайриқонунии маводи нашъаовари Раёсати ВКД Тоҷикистон дар вилояти Хатлонро боздошт намуданд.
Тавре як манбаъ аз сохторҳои қудратӣ ба «Азия-Плюс» дар ин робита иттилоъ дод, вазни софи маводи нашъаовари аз онҳо мусодирашуда 56 килоро ташкил додааст.
Зимнан зикр гардид, ки нисбати боздоштшудагон Прокуратураи генералии Тоҷикистон парвандаи ҷиноӣ боз кардааст.
Аз ифшои ному насаб ва рутбаҳои кормандони милисаи боздоштшуда сарчашмаи хабар худдорӣ варзид.
Манбаъ: http://news.tj/tj/
Нет комментариев