Шурӯъ аз соли 1993-юм, ҳамасола санаи 23 — юми феврал чун Рӯзи таъсисёбии Қувваҳои Мусаллаҳи Тоҷикистони соҳибистиқлол, Рӯзи ҳомиёни содиқи марзу буми Ватан ва мардони далеру шуҷоъ бо самимият ва шукӯҳи хоса таҷлил мегардад.
Тавре маълум аст, 23-юми февралро дар замони Иттиҳоди Шӯравӣ ҳамчун Рӯзи ташкилёбии Армияи Советӣ ё Армияи Сурх ҷашн мегирифтанд. Дар ин рӯз бори аввал баъд аз Инқилоби Октябр дар наздикии Саритсинои Русия қувваҳои навташкили Артиши Сурх ба қисмҳои артиши сафед ё артиши ҷонибдори низоми шоҳии Русия ғолиб омада буданд. Минбаъд Армияи Советӣ дар бисёр ҷангҳои қарни 20 ширкат намуда, ғолиб омадааст.
Чун анъана имсол, низ дар арафаи ҷашн, Пешвои миллат Эмомали Раҳмон ба ифтихори 23 — юмин солгарди таъсиси Қувваҳои Мусаллаҳ, паёми телевизионии худро ирсол дошт. Дастаи медиа портали «Тироз» панҷ гуфтаҳои пуртаъсири Пешвои миллатро иқтибос меорад:
1. 23 сол дар дар ҳимояи кишвар:
Пешвои миллат такъкид карданд, ки «бисту се сол аст, ки ҳайати шахсии Қувваҳои Мусаллаҳи кишвар рисолати муқаддаси худ — ҳимояи амнияти давлати соҳибистиқлоламон ва зиндагии орому осоиштаи мардуми Тоҷикистонро бо устувориву фидокорӣ иҷро карда истодааст».
2. Хизмати ҳарби — ин ватандӯсти:
Тавре дар Паём омадааст «…хизмати ҳарбӣ нишонаи равшани эҳсоси ватандӯстӣ, дарки зарурат ва аҳаммияти ҳимояи манфиатҳои давлат ва халқи Тоҷикистон мебошад».
3. Эътимод ба Қувваҳои Мусаллаҳи кишвар:
Президени кишвар итминони комил қайд кард, ки: «Бовар дорам, ки афсарону сарбозони шуҷои Қувваҳои Мусаллаҳи кишвар ба савганди ҳарбии худ ҳамеша содиқ монда, рисолати фарзандии худро дар назди Ватан – модар ва халқу давлати хеш минбаъд низ бо сарбаландӣ адо мекунанд ва тамоми донишу таҷриба, малакаву маҳорати худро ба хотири ҳифзи дастовардҳои истиқлолияти давлатӣ сафарбар месозанд».
4. Такмили маълака:
Ба баланд бардоштани такмили ихтисосии афсарону сарбозон низ, бояд ҷидди рафтор намуд: «…ҳар як афсару сарбоз ва ҳар як ҷавоне, ки ба сафи Қувваҳои Мусаллаҳ дохил шуда, савганди ҳарбӣ ёд мекунад, ҳамеша дар хотир дошта бошад, ки хизмати ҳарбӣ, аз ӯ, пеш аз ҳама, иродаи матин, донишу маърифати муосир ва эҳсоси садоқату самимият ба халқу Ватанро талаб менамояд» гуфт сарвари давлат.
5. Тақозои давр:
Раисҷумҳур таъкид кард, ки: «Пешрафти босуръати технологияҳои муосир тақозо менамояд, ки дар доираи ислоҳоти ҳарбӣ ҷиҳати баланд бардоштани қудрати дифоии кишвар мо ба омӯзиши дақиқи дастовардҳои илми муосири ҳарбӣ, ҷорӣ намудани низоми нави идоракунии ҷузъу томҳои низомӣ, тағйир додани роҳу усулҳои мубориза бар зидди таҳдиду хатарҳои ҷаҳонӣ, сайқал додани маҳорати касбӣ ва қобилияти ҷангии Артиши миллӣ боз ҳам ҷиддитар машғул шавем».
Иқтибосҳо дар асоси маводи http://khovar.tj/ тартиб дода шуд.
Нет комментариев