Бар асари садамаи нақлиёт, ки дар роҳи мошингарди Душанбе — Норак, дар қаламрави деҳаи Элоки шаҳри Ваҳдат рух дод, автомашина оташ гирифта се нафар ба ҳалокат расиданд.
Маркази матбуоти ВКД Тоҷикистон дар шарҳи ин маълумот менависад, ронандаи
автомашинаи тамғаи “Опел-Астра, марди 26-солаи сокини шаҳри Норак ба самти муқобили ҳаракат баромада, ба автомашинаи тамғаи “Опел-Астра” таҳти идораи марди 30-солаи сокини н.Ёвон, ки аз самти ноҳияи Ёвон ба ш.Душанбе ҳаракат мекард, бармехӯрад.
«Дар натиҷаи ҳодисаи нохуш, автомашинаи “Опел-Астра”-и дуюм оташ гирифта, мусофирони он: зани 20-сола, марди 17-сола ва марди 36-солаи сокинони ш.Норак ба ҳалокат мерасанд», — қайд мешавад дар маълумот.
Гуфта мешавад, мусофирони автомашинаи “Опел-Астра”-и якум: марди 27-сола, 29-сола ва 60-солаи сокинони шаҳри Ваҳдат, марди 18-солаи сокини ш.Норак, инчунин мусофири дигари ҳамин автомашина, ки шахсияташ ҳанӯз маълум нашудааст, ҷароҳатҳои гуногуни ҷисмонӣ бардошта, дар беморхона бистарӣ гардидаанд.
Нет комментариев