Барои ҳарчи бештар ба худ ҷалб намудани таваҷчӯҳи дигарон дӯстдорони селфи эҳиёткориро ҳангоми селфи кардан тамоман аз хотир мебароранд. Дастаи дарозу борики металиро, ки барои селфи кардан офарида шудааст, раду барқ мезанад. Бинобар ин онҳое, ки ҳангоми дар автомобил ё қатора будан селфи мекунанд, дар раду барқ аз барқзании дастаи дарози селфи ҷароҳат мебардоранд ва бар замми ин нақлиёт ба садама дучор шуданаш мумкин аст. Акнун мо бароятон роҳи бе осеббинӣ селфи карданро гуфта медиҳем.
Беҳтараш ҳангоми раду барқ ба вуҷуд омадан селфи накунед. Зеро ҳар яки мову Шумо хуб медонем, ки дар ин маврид ашёҳои дар фазои баланд қарордошта зарбаи раду барқро зуд ба худ қабул мекунанд. Бар замми ин дастаки дарози селфи металӣ аст, ки нисбати дигар ашёҳо зарбаи барқро тезтар ба худ мегузаронад. Бинобар ин дар вақти раду барқ селфи кардан ба ҳаёти инсон хатарнок мегардад.
Ҳангоми селфикунӣ бо гушмонакҳо мусиқӣ гӯш накунед.
Масалан, Шумо ба гӯшҳоятон гӯшмонакҳоятонро гузошта, бо гӯш кардани мусиқӣ селфи карда истода бошед, бонги баланди қатораи ба сӯятон наздик шудаистодаро нафаҳмида мемонед ва дар ин ҳолат Шуморо қатора пахш карданаш мумкин аст. Аз ин рӯ ҳаёти худро аз барои селфи кардан зери хатар нагузоред.
Селфикунӣ дар сари чамбараки мошин.
Бисёрии одамон ҳангоми дар сари чамбараки мошин, дар роҳ қарор доштан аз смартфони худ истифода мебаранд. Дар ин вақт селфи кардан тамоман беақлӣ аст, зеро дар ин ҳол телефон афтода, осеб ёфтанаш мумкин ва ё ронанда ба садама дучор шуда метавонад. Барои дӯстдорони мототсикрон бошад, селфикунӣ ҳагоми ҳаракат дар роҳ ду баробар хатарнок буда метавонад.
Лижарон ҳангоми дар баландӣ ҳаракат бо селфикунӣ машғул нашавад.
Ба лижаронҳо, ки баъзе нафарон аз ин тоифа низ селфи карданро дӯст медоранд, ҳангоми аз баландии кӯҳ ба поён фаромадан набояд ба дасти худ дастаки дарози селфикуниро гиранд, ин барои ҳаёт хатарнок хоҳад буд. Зеро дар ин маврид ҳама фикру ҳуши лижарон бояд танҳо ба самти роҳи фаромадаистода нигаронида шуда бошад, на ба камераи селфи. Агар Шумо лижарон бошед, аз кӯҳ фаромада истодани худро фаромӯш накунед ва дар ин маврид дастонатон бояд озодонаҳаракат кунанд. Дар дастҳо бояд ба ғайр аз ду чӯби дарози лижаронӣ дигар чизи зиёдатӣ набошад. Зеро ягона чизи бебаҳо барои инсон ин пеш аз ҳама саломатӣ ва ҳаёт аст.
Агар Шумо бисёр ҳам хоҳиши селфи карданро дошта бошед, пас барои ин ҷои бехатар ва мувофиқро интихоб намоед ва боварӣ ҳосил кунед, ки дар ҷои интихоб намудаатон ягон чиз ба ҳаёту саломатиатон таҳдид намекунад.
Худро эҳтиёт кунед!
Нет комментариев