22 декабр муовини якуми Сарвазири мамлакат Давлаталӣ Саид ва Раиси вилояти Суғд Раҷаббой Аҳмадзода бо ҷараёни корҳои ободониву созандагӣ дар ноҳияи Ҷаббор Расулов шинос гардиданд.
Боиси зикр аст, ки дар ноҳияи Ҷаббор Расулов ба истиқболи ҷашни 30-солагии Истиқлолияти давлатии Ҷумҳурии Тоҷикистон корҳои ободониву бунёдкорӣ вусъати тоза пайдо намуда, сохтмони иншооти ҷашнӣ идома дорад. Тибқи нақшаи чорабиниҳои тасдиқшуда дар ноҳия бунёди 394 иншоот ба нақша гирифта шуда, то имрӯз 309 иншооти гуногун мавриди истифода қарор гирифтааст ва дар иншооти боқимонда корҳои сохтмонӣ идома дорад.
Яке аз чунин иншооти ҷашнӣ маркази ташхисӣ ва солимгардонии соҳибкор Абдуллоев Маҳмуд аст, ки дар деҳаи Заркори Ҷамоати деҳоти Деҳмой ҷойгир мебошад.
Тавре аснои шиносоӣ бо ҷараёни корҳои сохтмонии маркази ташхисӣ ва солимгардонӣ иттилоъ дода шуд, масоҳати умумии иншоот 580 метри мураббаъро ташкил медиҳад. Бинои марказ аз ду ошёна иборат буда, тибқи лоиҳа дорои 30 кат аст.
Барои анҷоми корҳои сохтмонӣ 1,5 миллион сомонӣ равона карда шуда, бо мавриди истифода қарор гирифтани иншооти хусусии тиббӣ 20 нафар мутахассисон бо ҷойи корӣ таъмин мегарданд.
Манбаъ:Хадамоти матбуоти
Раиси вилояти Суғд
Нет комментариев