Ширкати HP ноутбуки нави Spectre 13 истеҳсол намуд, ки ғафсии танаи он ҳамагӣ 10,4 милиметрро ташкил медиҳад. Боз як навгонӣ: дар руйи сарпӯши ноутбук логотипи нави HP ҷойгир када шудааст, хабар медиҳад The Verge.
Бориктарин ноутбук
Танаи HP Spectre 13 амалан пурра аз алюминий сохта шуда, танҳо барои кам кардани вазни дастгоҳ аз нахи карбон истифода бурда шудааст. Ғафсии танаи ноутбук ҳамагӣ 10,4 милиметр мебошад. Ин ғафсӣ нисбат ба Apple Macbook 2,8 милиметр ва нисбат ба Dell XPS 13 4,8 милиметр бориктар мебошад.
Тавсифҳо
Ноутбукҳои мазкур дар якчанд шаклу намуд аз истеҳсол баромадаанд: ноутбукҳо бо протсесорҳои Core i5 ё Core i7. Он дорои хотираи фаврии 8 ГБ ва SSD ба 256 ГБ мебошад. Диагонали экрани ноутбук 13,3 дюйм буда, дорои функтсияи Full HD мебошад.
HP Spectre 13 дорои 3 боргоҳи USB Type C (яке аз онҳо барои аз барқ нерӯгирӣ пешбинӣ шудааст) ва ҷои насбгардонӣ барои гушмонакҳо мебошад. Дастгоҳи мазкур то 9,5 соат мустакилона кор карда метавонад.
Оғози фурӯш
Фармоишдиҳии пешакии HP Spectre 13 аз санаи 25-уми апрел шурӯъ мегардад, ки нархи он 1 169 доллари амрикоиро ташкил медиҳад. Санаи пайдоиши ноутбукҳо дар фуруши чакана аниқ муайян нашудааст, вале маълум аст, ки нархи онҳо 1 249-ро доллари амрикоиро ташкил хоҳанд дод.
Нет комментариев