http://hi-news.ru/

Дар ҷаҳони муосири синамогарӣ ва клипофарӣ (клипмейкерство) коргардонҳо кори худро бидуни истифодаи CG-воситаҳо тасаввур карда наметавонанд. Коргардони португалӣ Нуно Барбоса қарор дод, ки  дар зиндагӣ лоиҳаи ғайриоддиро ба вуҷуд оварад. Бо истифодаи танҳо як проектор (асбоби акскунанда барои калон карда нишон додан дар экран) ва видеокамера,  ӯ видеои мусиқавии сарояндаи маъруф Эмми Карлро ба навор гирифтааст.

Видео хеле равшан ва ғайричашмдошт баромадааст. Барои навори он, сарояндаи мумтоз дар назди камера, як сурудро якчанд маротиба хондааст. Ба тани ӯ рангҳои равшанидиҳанда (флуоресцентные краски) кашида шуда, ҳамчунин сароянда якчанд маротиба бе ороиши рӯй (макияж) наворбардорӣ карда шудааст.

Сабтҳои гирифташударо бо усули махсус ба ҳам васл намуданд. Сароянда дар якҷоягӣ бо коргардон  ҷиддан  хореографияи клипро кор карда баромад ва  ҳаракатҳои гуногунро фикр карда, онро дар назди камера иҷро намуд. Баъди он наворгириҳои хотимавӣ ва ҷамъбастӣ оғоз гардиданд.

Сароянда дар ҷои торик, дар манзараи бо матои сиёҳ пӯшонидашуда нишастааст, мо метавонем танҳо рӯи ӯро бинем.  Ҳамчунин проексияеро, ки коргардон онро қаблан сабт намуда буд, метавон мушоҳида кард. Дар натиҷаи гузоштани маводи пешакӣ наворбардоришуда, дар рӯи сароянда тасвирҳои ғалатӣ пайдо мегарданд. Дар ин ҳолат  ту аллакай дар ҳайрат мемонӣ, ки овозхон куҷо шудаасту проектсия ӯ куҷост.

Ҳамин тавр, ақидаҳои олӣ (генальный) ба вуҷуд меоянд.  Ба ҷои он ки  барои офаридани ягон чиз, миллионҳоро сарф кунед,  беҳтараш нишаста, нағзакак фикр кунед: “ Оё бидуни истифодаи графикаи компютерӣ , метавон наворбардорӣ кард?”.

Клип дилгиркунанда набуда, оҳангҳои он бисёр форам баромадааст. Беҳтараш худатон видеои мусиқавиро тамошо карда, онро баҳогузорӣ кунед.

Сарчашма: matrix-tv.tj