Чой дар коғазхалта ё ин ки чойи пакетӣ тасодуфан пайдо шудааст. Савдогари амрикоӣ Томас Салливан соли 1904-ум барои ҷалби харидорон чойро ба дохили халтачҳои аз матоъи шоҳӣ дӯхташуда гузошта, ба фурӯш мебарорад. Харидорон бошанд, халтачаҳоро накушода, онро истифода бурданд. Истеҳсолкунандагони чой инро ба инобат гирифта, чойро ба дохили коғазхалтаҳо гузошта, ба фурӯш бароварданд. Дар замони мо ширкатҳои бузурги ҷаҳонӣ, истеҳсоли чойҳои пакетии «Lipton» «Dilmah» «Беседа» «Майский» ва ғайраро ба роҳ мондаанд.
Аммо оё медонед, ки истеъмоли чойхои пакетӣ низ ба саломатии инсон зарар дорад? Не? Пас маслиҳати мо махсус барои Шумо омода гардидааст. Мутавачҷеҳ бошед:
Чойҳои пакетӣ, ки истифодаашон ниҳоят қулай аст, ба организми мо зарар дорад. Тавре дар натиҷаи тадқиқот маълум гардид, бо нўшидани чойҳои пакетӣ дар организм фтор ҷамъ мешудааст. Олимон 10 навъи чойҳои дар пакетикҳо бударо мавриди омўзиш қарор дода, муайян намуданд, ки дар бархеи онҳо меъёри фтор то 2,5 маротиба зиёд аст. Миқдори зиёди фтор дар организм ба сахтшавии бофтаи устухонҳо, пайдошавии дард дар буғум ва устухонҳо, пайвасташавии сутунмўҳраҳо ва пайдо шудани устухонҳои зиёдатӣ оварда мерасонад. Ногуфта намонад, ки фтор натанҳо дар таркиби чойҳои пакетӣ, балки дар таркиби чойҳои баргӣ низ мавҷуд аст, бинобар ин мутахассисон дар як рўз аз 4-5 пиёла зиёдтар нўшидани чойро тавсия намедиҳанд.
Ба маълумоти Шумо мерасонем, ки ҳангоми харидорӣ кардани чой ҳатман ба мӯҳлати нигаҳдошт ва миқдори фтори таркиби он аҳамият диҳед. Баъзе истеҳсолкунандагон ба чой моддаҳои рангкунандаи сунъӣ илова мекунанд. Ин ҳилларо чӣ тарв ошкор кардан мумкин аст? Барои ин ба чой лиму андозед ва агар чой ранги худро иваз накунад, донед, ки дар таркиби ин чой моддаҳои рангкунандаи сунъӣ мавҷуд мебошанд. Чойи босифат бояд камтар рангаш равшантар шавад.
Сарчашма: www.tiroz.org
Нет комментариев