Ҳолатҳое шуданд, ки баъди харидану истеъмол намудани торти яхмосӣ маълум мегардад, ки он талхмазза шудааст. Ин барои он рӯй медиҳад, ки дар натиҷаи қатъ шудани қувваи барқ яхмос ва дигар маводҳои дар хунукӣ нигоҳдошташаванда, зуд об шуда, сифат, хусусият ва тамъу маззаи худро дигар мекунанд. Ба ин мушкилӣ бештар фурӯшандагони мағозаву бозорҳои дурдаст гирифторанд, ки дар он ҷойҳо имкони қатъ шудани қувваи барқ бештар аст.
Дар ин ҳолатҳо фурӯшандагон моли харидашударо ба фурӯшандагон пас баргардонидан мушкил мегардад, зеро мӯҳлати истифодаи он метавонад нагузашта бошад, аммо дар чунин вазъият маҳсулотҳои ширӣ ва на танҳо, нигоҳдорӣ намудан ғайриимкон мебошад.
Маълум гардидааст, ки на ҳамаи яхмосҳоро аз шир тайёр мекунанд. Ба хотири паст намудани арзиши яхмос онро аз равғанҳои растанӣ, ба монанди равғани кокос, палма ва маъсар истифода менамоянд. Дар Америка ин гуна яхмосро мелорин меноманд ва агар дар мамлакати мо яхмосро «мелорин» нмгузорӣ намоянд, онро кам кас харидорӣ наменамояд. Фаҳмидани он, ки яхмос аз чӣ тайёр карда шудааст, осон мебошад. Барои ин пурбин доштанатон лозим аст. Ба воситаи пурбин матни тамғақоғази онро бодиққат хонед, зеро таркиби онро бо чунон ҳарфҳои хурд менависанд, ки бе пурбин хондани он номумкин аст.
Шахсоне, ки дар замони СССР зиндагӣ кардагианд, тамъу маззаи яхмоси ҳақиқиро хуб медонанд. Имрӯз бошад, дар фурӯш яхмосҳои наверо мебинем, ки номҳои анъанавии замони гузаштаро доранд. Оё ин ҳамон яхмос аст?
Чӣ тарз дар мавсими гармои тобистон, яхмосро харидорӣ намуда, худро гирифтори хатар кардан мумкин аст, яъне гирифтори сирояти стафиликок, салмонел ва микроби чӯбчашакли рӯда нагардӣ? Чӣ тарз аз таркиби химиявии он заҳролуд набояд шуд? Ба ин саволҳо ҷавоб доданӣ ҳастем.
Барои чӣ яхмос ба тарзи гуногун об мешавад: як хелаш зуд, хели дигараш оҳиста, сеюми ба коктейл мубаддал мегардад ва чорумӣ чанд тақсим мешавад? Яхмосе, ки зуд об мешавад, аз чарбҳои растанӣ тайёр карда мешавад.
Зиёда аз 60%-и яхмосҳои ҳозиразамон дар асоси моддаҳои ивазкунандаи равғани ширӣ тайёр карда мешаванд. Ашёи хом барои истеҳсол намудани ивазкунандаи равғани ширӣ ин равғани кокос, палма ва масъад мебошад. Аҳамияти Истеъмоли як порси чунин яхмос монанди истеъмоли як истакон равғани офтобпараст мебошад. Аммо истеҳсолкунандагон Шуморо бовар мекунонанд, ки ин ба манфиати Шумо хоҳад буд, зеро коллорияи равғани растанӣ кам аст ва он дар меъда зуд мубодила мешавад. Бо вуҷуди ин он бо дигар ингридиентҳо ва оканишҳо, монанди чормағз, ҷем, қиём ва ғ. дуруст пайвастагӣ дорад. Ин боз сабаби дигар низ дорад, истеҳсолкунандагон бо як хоҳиши том аз он истифода менамоянд, яъне ивазкунандаи равғани шир нисбат ба равғани маска камаш се баробар арзонтар аст. Аз рӯи назари истеҳсолкунандагон тамъи яхмоси аз ивазкунандаи равғани шир истеҳсолшуда, аз яхмоси ҳақиқӣ ҳеҷ фарқе надорад. Аммо бисёрии мо хуб медонем, ки 20-30 сол пеш яхмос чи гунна тамъ дошт!
Нет комментариев