Собун. Собун маҳсулоти гигиении оддӣ ва арзон ба шумор меравад. Як донаи собуни мушкин ҳамагӣ 1-3 сомонӣ ва қуттии собуни моеъ 3-4 сомониро ташкил мекунад. Шумо оё гуфта метавонед, ки ҳамин собунро ба маблағи 10-20 сомонӣ ва ё аз ин ҳам зиёд фурӯхтан мумкин аст? Ҳамааш осон аст: фақат ба харидор гуфтан лозим аст, ки ин собуни муқаррарӣ нест ва на фақат барои дастшӯӣ истифода мешавад, ана инаш пустро хушк намекунад ва нарм намуда, микробҳоро нест мекунад. Биёд, дида мебароем, ки собунҳо аз якдигар бо чӣ фарқ мекунанд.
Бо мақсади боварӣ ҳосил намудан, ки собуни моеъ гарроннарх пустро хушк намекунад, чунин озмоишро бо гулҳо гузаронидан мумкин аст. Обро ба се пиёлаи шишагӣ мерезем. Дар пиёлаи 1-ум якчанд қатраи собуни моеъи гарроннархро мечаконем. Дар тамғақоғази ин маҳсулот навишта шудааст, ки он пустро нигоҳубин намуда, ба хушкшавӣ роҳ намедиҳад. Дар пиёлаи 2-юм якчанд қатраи собуни моеъи арзон ва дар пиёлаи 3-юм маҳлули собуниро аз собуни муқаррарӣ мечаконем. Ба ҳар як пиёла ғунчаи навбуридаи садбаргро мегузорем.
Агар пас аз панҷ рӯз садбарги пиёлаи 1-ум хушк нашавад, дар ин ҳолат истеҳсолкунандагон дар ҳақиқатан ҳам шуморо фиреб накардаанд, зеро ин собуни моеъи гарроннарх пустро нигоҳубин менамояд. Агар дар пилаҳои дигар, ки собуни муқаррарӣ доштанд, авҳол ҳамин хел бошад, пас фарқро худатон муқоиса намоед.
Шумо оё мушоҳида намудаед, ки қуттии гели души шумо нисбати дигараш тезтар холӣ шудааст? Ҳамааш аз ғафсии таркиби он вобастагӣ дорад. Аз ҳама гели сарфакор ин геле мебошад, ки монанди асал ғафс бошад, зеро дар таркиби он моддаҳои фаъол зиёд мебошад ва барои шутушӯй якчанд қатраи он кифоя аст.
Ба истакони шаффоф каме гел резед ва ба он тӯбчаи шишагӣ ва ё сангчаеро партоед. Агар вай ба зудӣ ба қаър равад, маълум мегардад, ки гел моеъ буда, метавонад то ду ҳафта хизмат намояд. Агар тубча оҳиста- оҳиста ба қайр равад ва ё дар болои гел монад, ин маънои онро дорад, ки ғафсии он хуб аст.
Дар кӯдакӣ моро доим таъкид менамуданд: «Пеш аз хӯрок ҳатман дастатонро шӯед!». Имрӯз бошад тарғибгарон чунин таъкид мекунанд: «Дастҳоро ҳар лаҳза шӯед ва беҳтараш бо собунҳои зиддибактериявӣ, зеро гирду атрофии моро бактерияҳои касалиовар иҳота намудаанд!». Тадқиқотҳо нишон додаанд, ки собунҳои зиддибактериявӣ агар дастҳоро тозатар намоянд ҳам ба монанди собунҳои муқаррарӣ аз бактерия пурра пок карда наметавонанд. Инчунин, косметологҳо тавсия намедиҳанд, ки доим бо собуни зиддибактериявӣ шустушӯ намоем, зеро дар таркиби он моддаи триклозан мавҷуд аст.
Собуни зиддибактериявӣ барои он зараровар аст, ки ғайр аз микробу соддатаринҳо, инчунин микрофлораи фоидабахши дастонро низ нобуд месозад ва дар натиҷа пуст хушк монда, ба озурдагӣ ва кафидан гирифтор шуда, захмҳо дер шифо меёбанд.
Нет комментариев