Ширкати ҷопонии Funai Electric Company, ки охирин истеҳсолкунандаи видеомагнитофонҳои стандарти VHS (Video Home System) мебошад, эълон кард, ки ба наздики истеҳсоли техникаи кӯҳнашударо бас мекунад. Қарор оид ба боздоштани истеҳсоли VHS-плеерҳо барои тамоми кассетаҳо дар тасмаҳои магнитӣ бо сабаби кам шудани талабот ба он ва ҷой доштани мушкилотҳо дар харидории ҷузъиётҳои алоҳидаи он қабул карда шуд.
Ширкати Funai соли 1951-ум Осак созмон дода шуда буд. Ширкат бо коркард ва истеҳсоли васеъи доираи дастгоҳҳои истифодашаванда, аз компютерҳо то телевизорҳо, DVD-плеерҳо ва таҷҳизотҳои барқии хонагӣ машғул аст.
Нахустин видеомагнитофони формати VHS (модели VP-1000)-и худро ширкати Funai дар соли 1984-ум ба бозори байналхалқӣ баровардааст. Аллакай дар охири соли 80-ум ин ширкат яке аз ширкатҳои бузурги истеҳсолкунандаи плеерҳои кассетавӣ дар Ҷопон гардида буд. Он вақтҳо ба ширкати Funai муяссар шуда буд, ки дар давоми як сол 15 миллион видеомагнитофон фурӯшад. Соли гузашта бошад, ширкат қариб 750 000 видеомагнитофон фурӯхтааст.
Ширкати Ҷопонии JVC, ки соли 1959-ум нахустин дар ҷаҳон видеомагнитофони дусараро баровардаасту дар соли 1976-ум видеосабти VHS-ро коркард намудааст, баровардани VHS-магнитофонҳо ва кассетаҳоро дар охири соли 2000-ум бас кард. Дар соли 2002-юм ширкати Sony ва соли 2012-ум Panasonic аз истеҳсол кардани ин гуна видеомагнитофонҳо даст кашиданд.
Сарчашма: PCWorld
Нет комментариев