Хӯроки пурнамак илова ба боло бурдани фишори хун боиси осеб расондан ба ҷигар мешавад.Ирфони Пурқубод, коршиноси маводи ғизоӣ гуфт, масрафи ғизои пурнамак тавассути модарони бордор ҳатто метавонад ба ҷигари ҷанини дар ҳоли рушд низ осеб расонад. Ӯ афзуд, як фарди солим, ки фаъолияти қобили таваҷҷуҳе низ дорад, бояд рӯзона як қошуқча намак масраф кунад, вагарна беш аз ин миқдор боиси осеб мешавад.
Ба гуфтаи ин коршинос, йонҳои натрийи аз ин моддаи маъданӣ ҳосилшуда ба танзими ҳаракати об дар даруни бадан ва ҳидояти набзҳои асаб кӯмак мекунад. Бо ин ҳол, натрийи беш аз андоза бо тағйирот дар ҷигар, аз ҷумла ташкили селлулҳое ба шакли аҷиб ва афзоиши марги селлулҳо ҳамроҳ аст. Илова ба ин афзоиши фишори хун хатари сакта ё ҳамлаи қалбӣ ва сактаи мағзӣ аз дигар оризаҳои масрафи беш аз ҳадди намак барои бадан аст.
Намаки зиёд калсийро аз устухонҳо мегирад ва онро аз тариқи пешоб дафъ мекунад, ба ҳамин далел боиси нозук шудани устухон мешавад. Дар бадани бузургсолон миқдоре аз намаки дарёфтӣ аз тариқи гурдаҳо ва ба василаи пешоб кардан аз бадани хориҷ мешавад, аммо дар бадани навзодон гурдаҳо ҳанӯз тавоноии кофӣ барои хориҷ кардани намакро аз бадан надоранд.
Намаки зиёд хӯрдан ба далели нигаҳдории беш аз ҳадди об дар бадан боиси афзоиши вазни муваққатӣ мешавад ва баракси он, кам масраф кардани намак ба далели берун кардани об аз бадан метавонад мӯҷиби коҳиши вазни муваққатӣ шавад.
Нет комментариев