Ширкати истеҳсолгари электроника Samsung Electronics навгонии таъминоти барномавиро мебарорад, ки истифодабарии смартфони Galaxy Note 7-ро дар Кореяи Ҷанубӣ бехатар мегардонад. Дар ин бора ширткати телерадиовии «Би-би-си» хабар додааст.
Мувофиқи маълумоти ВАО, ин навгонӣ истифодабарандагонро аз хатар эмин медорад, ки бо баъзе сабабҳо дастгоҳҳои худро барнагардонидаанд. Он ба аккумулятори смартфон имкон медиҳад, ки на зиёда за 60% аз нерӯгирӣ таъмин шавад ва бо шарофати ин навгонӣ дастгоҳ аз гармшавии барзиёд ва осебёбӣ эмин мемонад.
Барои истифодабарандагони Кореяи Ҷанубӣ ин навгони аз санаи 20-уми сентябри соли ҷорӣ дастрас мегардад. Истифодабарандагони давлатҳои дигар ин навгониро барои худ кай дастрас карда метавонанд, ҳоло хабар дода нашудааст.
Санаи 2-юми сентябри соли равон Samsung фурӯши Galaxy Note 7, ки бо iPhone-7-и насли нави ширкати Apple мебароварда бояд рақобат мекард, боздошт.
Чуноне дар мақолаи рӯзномаи South Vhina Morning Post қайд карда мешавад, талафоти молиявии смартфонҳо мувофиқи баҳогузории экспертҳо 900 миллин долларро ташкил хоҳад дод.
Нет комментариев