Давоми 25 рӯзи даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон нақшаи даъват дар 8 шаҳру навоҳии вилояти Суғд иҷро шуд. Нақшаи даъвати ҳарбӣ то ба санаи 25 октябр дар вилояти Суғд 88 фоиз иҷро гардид.
Даъвати ҷавонон ба сафи Қувваҳои мусаллаҳи кишвар аз санаи 1 октябр оғоз шуд ва ҳамин тавр шаҳри Истиқлол ва ноҳияҳои Кӯҳистони Мастчоҳ, Шаҳристон,Зафаробод, Спитамен, Айнӣ, Деваштич ва Гулистон нақшаи даъватро аз 100 то 104 фоиз иҷро намуданд.
Зимнан, моҳҳои октябр ва ноябри соли 2016 дар ҳудуди вилоят ҷавононе, ки то рӯзи даъват ба синни 18 солагӣ мерасанд, инчунин шаҳрвандони синну солашон калон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда мешаванд.
Нет комментариев