Давоми соли равон аз тарафи кормандони Раёсати Хадамоти назорати давлатии фаъолияти фарматсевтӣ дар вилоят баҳри таъмини мардуми вилоят бо маводи доруворӣ, молҳои тиббӣ, маводи ороишию гигиенӣ ва иловаҳои фаъоли биологии хушсифат дар 559 муассисаи фарматсевтӣ, 79 муассисаи табобатию профилактикӣ, новобаста аз шакли моликияташон ва 261 мағоза, нуқтаву дўконҳои фурўши маводи ороишию гигиенӣ санҷишҳо гузаронида шуданд.
Бино ба иттилои сардори Раёсати Хадамоти назорати давлатии фаъолияти фарматсевтӣ дар вилоят Диловар Холов дар натиҷаи санҷишҳо чанд номгўй молҳои тиббӣ ва маводи ороишию гигиении мўҳлати истифодабариашон гузашта, маводи доруворӣ ва молҳои тиббии бе сертификати мутобиқати сифат ва маводи ороишию гигиении ба талаботи стандартҳои муқарраршуда ҷавобгўй набуда дарёфт карда шуд.
Дар ҳайати комиссияи салоҳиятнок дар партовгоҳи шаҳри Хуҷанд аз тарафи Раёсати Хадамот ҳамагӣ беш аз 900 номгўй ба миқдори 241038 адад маводи доруворӣ, молҳои тиббӣ, маводи ороишию гигиенӣ ва иловаҳои фаъоли биологии мўҳлати истифодабариашон гузашта, бе сертификати мутобиқати сифат ва ба талаботи стандартҳои муқарраршуда номувофиқ ба таври сўзонидан несту нобуд карда шуданд.
Хадамоти матбуоти
Раиси вилояти Суғд
Нет комментариев