Бо мувофиқаи вазири тандурустии Тоҷикистон, сардори Раёсати тандурустии вилояти Суғд Фаррух Мақсудзода аз мақомаш барканор карда шуд.
Бо қарори раиси вилояти Суғд аз 22 октябри соли 2021 ва дар мувофиқа бо вазири тандурустӣ ва ҳифзи иҷтимоии аҳолии Тоҷикистон Ҳабибулло Муҳиддинов сардори нави раёсати тандурустии вилоят таъин шуд. Дар ин бора котиби матбуотии раёсати тандурустии вилоят Мирзоазам Мақсудов ба оҷонсии иттилоотии “Суғднюс” хабар додааст.
Ҳабибулло Муҳиддинов қаблан дар вазифаи сардухтури Маркази бемориҳои дилу рагҳои шаҳри Хуҷанд кор карда, баъдан роҳбарии Маркази барқарорсозии бемориҳои дилу рагҳои вилояти Суғдро бар ӯҳда дошт.
Зимни суханронӣ дар ҷаласа Фаррух Мақсудзода қайд кард, ки «оянда дар кадом вазифа кор намояд, тибқи савганди Гиппократ, ба хотири саломатии мардум хидмат хоҳад кард».
Мавриди зикр аст, ки Фаррух Мақсудзода давоми 4 сол сардори Раёсати тандурустии Суғд буд. Матни барканор шудан аз вазифа «ба муносибати ба кори дигар гузаштан» нишон дода шудааст.
Манбаъ: Аз рӯйи маводи ОИ “Sugdnews.com”
Нет комментариев