Дар вилояти Суғд ба бунёду ташкили марказҳои зообайторӣ таваҷҷӯҳи зарурӣ равона карда мешавад. Зеро ба андешаи мутахассисон таъсиси чунин марказҳо аз як ҷиҳат барои гирифтани чорвои хушзот мусоидат намояд, аз дигар тараф барои фаровонии маҳсулоти шириву гӯштӣ замина хоҳад гузошт.
Бино ба иттилои Ориф Хоҷазода, муовини Раиси вилояти Суғд барои бунёди марказҳои зообайторӣ бо дастгирии Раиси вилояти Суғд Абдураҳмон Қодирӣ ҷиҳати ташкили чунин марказҳо ба 130 нафар сокинони шаҳру ноҳияҳои вилоят қитъаҳои замин ҷудо карда шуда, то имрӯз 75 маркази зообайторӣ дар вилоят таъсис дода шудааст.
Ҷиҳати ҳавасманкунии байторон соли равон бахшида ба Соли 2016-соли фарди солим дар байни кормандони соҳаи байтории вилояти Суғд озмуни вилоятӣ эълон гардида буд ва дар ин озмун марказҳои зообайторӣ низ иштирок намуданд. Дар натиҷаи баҳогузории ҳакамон маркази зообайтории ҷамоати Ёваи ноҳияи Бобоҷон Ғафуров беҳтарин дониста шуда, бо мукофотпулӣ дар ҳаҷми 4 000 сомонӣ қадршиносӣ гардид. Диплому мукофоти пулиро ба роҳбари марказ Носир Салимов вазири кишоварзии мамлакат Изаттуло Сатторӣ ва муовини Раиси вилоят Ориф Хоҷазода дар вазъияти тантанавӣ тақдим намуданд.
Манбаъ: Хадамоти матбуоти Раиси вилояти Суғд
Нет комментариев