Ширкати Google функтсияи «Мошини вақт» Timelapse-ро бозсозӣ кард, ки дар соли 2013-ум чун қисми хадамоти харитавии «Google Сайёраи Замин» баромада буд. Он имкон медиҳад, ки вақтро ба гузашта баргардонем ва бубинем, ки дар давоми даҳсолаҳо чӣ хел Замин тағйир ёфтааст. Яъне аз соли 1986-ум то ба имрӯз.
Дар Timelapse раванди сохтмони лоиҳаҳои инфрасохториро назорат бурдан мумкин аст. Масалан, бозсозии кӯпруки Окленд Бэй Бридж, ки Сан-Франтсиско ва Оклендро ба ҳамдигараш мепайвандад ё ба шаҳри муттараққӣ табдил ёфтани Дубайро мушоҳида намудан мумкин аст. Инчунин ҳаракати пиряхҳо дар Антарктида, васеъшавии майдони ҷангалзор ва калоншавии маҷрои дарёро дидан мумкин аст ва боз фаҳмидан имкон дорад, ки дар давоми 32 сол иқлими сайёра дар зери таъсири фаъолияти хоҷагидории инсон чӣ хел тағйир ёфтааст.
«Пойгаҳи Google Сайёраи Замин»-ро истифода бурда, мо наздики 3 квадриллион пикселро таҳлил карда баромадем ва ин 3 бо 15 нол мебошад, ки зиёда аз 5 миллион суратҳо аз спутник омада расидаанд», мегӯянд дар Google. Коркардчиён «петабайтҳои нав»-и суратҳои нисбатан босифатро истифода бурдаанд, ки тавассути спутникҳои Landsat 8 ва Sentinel-2 аксбардорӣ шудаанд.
Сарчашма: блог Google
Нет комментариев