Ширкати Amazon консепсияи супермаркети ояндаро пешкаш намуд, ки пурра аз терминалҳои пардохтӣ ва интизор шудани навбат озод карда шудааст, ки вобаста ба амали пардохти харид мебошад.
Замимаи нав Amazon Go номгузорӣ шудааст. Ғоя аз он иборат аст, ки амали харидоронро дар толори савдо ба таври автоматикӣ назорат мебарад. Яъне харидорон кадом намуди молҳоро аз рафҳо мегиранд ва боз пас ба ҷояш мегузоранд, тавассути замима назорат карда мешавад.
Барои анҷом додани амали харид ба харидор ҳангоми ворид шудан ба супермаркет кофӣ аст, ки рамзи махсусро дар замимаи Amazon, ки ба смартфон пайваст аст, сканер кунад. Пас аз он дар ҳол системаи пешрафтаи биноиши компютерии бо алгоритми чуқури омӯзониши мошинӣ ба кор медарояд.
Амали харидорон ва маълумотҳоро аз сенсорҳои сершумор, ки дар толорҳои савдоӣ ба рафҳо пайваст карда шудаанд, таҳлил менамояд. Системаи компютерӣ рӯйхати аниқи молҳоро тартиб медиҳад, ки аз тарафи ҳар як харидор гирифта шудааст. Агар истифодабаранда ягон маҳсулотро гирифта, дубора ба раф гузорад, он мол ё маҳсулот ба таври автоматикӣ аз сабади виртуалӣ хат зада мешавад.
Пас аз ба охир расидани амали харидорӣ, харидор метавонад бидуни фикри зиёдати оиди пардохти харид оромона аз супермаркет баромада равад. Яъне маблағ барои харид тариқи замимаи Amazon Go аз ҳисоби харидор ба таври автоматикӣ гирифта мешавад.
Айни замон системаи нав бо иштироки кормандони Amazon аз санҷиш гузаронида шуда истодааст. Супермаркети оянда маҳсулоти тайёрро барои истеъмол пешкаш менамояд, аз ҷумла хӯришҳоро.
Чуноне интизор меравад, аввалин мағозаи Amazon Go дар оғози соли 2017-ум дарҳои худро барои харидорон боз мекунад ва он дар Сиэтл ҷойгир хоҳад буд. Агар ин ғоя муваффақиятнок гардад, ин гуна супермаркетҳои аналогӣ дар дигар шаҳрҳо низ ба фаъолият шурӯъ хоҳанд кард.
Нет комментариев