Дар соли 2017-ум ширкати Apple 10-солагии худро аз лаҳзаи баромадани нахустин iPhone ҷашн мегирад. Дар интернет оид ба баромадани iPhone 8 иттилое пайдо шудааст, хабар медиҳад Хроника.инфо бо истинод ба vistanews.ru.
Мувофиқи суханони нашриёти Gizmochina, дар смартфон ҷойи дуюми пайвасткунӣ ба SIM-корт пайдо мешавад. Ба ин хабари худ манбаъ ҳуҷҷатеро илова намудааст, ки додани аризаро барои гирифтани муҷаввиз (патент) аз тарафи ширкати Apple ба технологияи нав тасдиқ мекунад.
Дар соли оянда бренди «себӣ» 10-солагии баромадани нахустин смартфони iPhone-ро қайд мекунад. Экспертон чунин меҳисобанд, ки ба хотири ин ид коркардчиён дар девайс технологияи тамоман навро тайёр мекунанд. Оиди баромадани технологияи нав вобаста ба iPhone аз роҳбари ширкат Тим Кук тасдиқоти расмӣ ҳоло нарасидааст. Мутобиқи тафсири Gizmochina, дар iPhone 8-и нав ҷойи пайвасткунаки иловагӣ барои сим-корт пайдо мешавад. Ин воқеан як навоварие хоҳад буд, зеро пештар коркардчиён новобаста ба дархости зиёди истифодабарандагон оиди баровардани ин хел смартфон ҳатто фикр ҳам намекарданд.
Арзиши тақрибии iPhone-и нав аниқ карда шудааст
Бояд қайд кард, ки iPhone 7S шояд набарояд ҳам. Пештар дар интернет истеҳсолгари ҷопонӣ Sharp таваҷҷӯҳро ба он ҷалб карда буд, ки ширкати онҳо таъминкунандаи OLED-дисплейҳои муосир барои модели нав мегардад. Ширкати кореягии Samsung иттилоотро дар ин бора рад кард ва гуфт, ки Samsung ягона таъминкунандаи экранҳо барои смартфонҳои ширкати Apple мебошад. Коркарчиён хабар доданд, ки аллакай то ба соли 2020-ум тамоми дастгоҳҳо ба экранҳои муосир бо технологияи OLED гузаронида мешаванд.
Нет комментариев