Олимони ҷопонӣ тавонистанд, ки шишаи шикаста намешударо кашф намоянд. Он шиша аз рӯйи боқувватӣ бо оҳан баробар мебошад. Ин гуна шишаи мустаҳкаму устуворро аз ҳисоби дар таркиби мавод зиёд кардани миқдори оксиди алюминий олимон кашф карда тавонистаанд, менависанд воситаҳои ахбори омма.
Намунаи «пешинаи» ин гуна мавод намуди дигари шишаи мустаҳкам маҳсуб меёбад, ки онро оксид меноманд. Қисми асосии мавод ин силитсийи диоксид ба шумор меравад. Устуворию мустаҳкамӣ аз ҳисоби ба таркиби мавод илова намудани оксиди алюминий ба вуҷуд омадааст.
Масъалаи асосие, ки ҳал намудани он барои олимон лозим омадааст, ин навкунии ҷараёни истеҳсолот гардид. Акнун моддаҳо на дар зарф омехта карда мешаванд, балки дар ҳаво. Бо шарофати дар муҳити безарар суръат гирифтани кашфиёт ҳолати булӯршавӣ (кристаллизация), ки одатан ба анҷом додани амали тайёркунии шиша халал мерасонад, сар намезанад.
Дар натиҷа, чуноне кашфиётчиён тасдиқ мекунанд, шишаи шаффофи комилан мустаҳкаму устуворро кашф карда тавонистаанд ва ин шиша қисман аз оксиди алюминий таркиб ёфтааст. Дараҷаи устувории маводи нав нисбат ба оксиди аналогӣ қариб ду карат баланд буда, аз ҷиҳати мустаҳкамӣ дар як сатҳ бо пӯлод ва оҳанд қарор дорад.
Нет комментариев