Нақшаи чорабиниҳои Мақомоти иҷроияи ҳокимияти давлатии вилояти Суғд вобаста ба “Соли ҷавонон” иборат аз 81 банд тасдиқ гардид.
Тибқи нақшаи мазкур давоми соли ҷорӣ баргузории як қатор чорабиниҳо, аз ҷумла ташкили мулоқоту вохӯриҳо, мизҳои мудаввар, рӯзи дарҳои кушод дар қисмҳои низомӣ, ҳамоишҳои гуногун, конфронсҳои илмии олимони ҷавон, олимпидаҳои фаннӣ, мусобиқаҳои гуногуни варзишӣ, озмунҳои иншои беҳтарин, озмун миёни ҳунармандони ҷавони атласу адрасбоф, озмунҳои фарҳангӣ ба назар гирифта шудааст.
Ёдовар бояд шуд, ки соли равон аз ҷониби Пешвои миллат мӯҳтарам Эмомалӣ Раҳмон “Соли ҷавонон” эълон гардид, ки гувоҳи таваҷҷӯҳи хосаи роҳбарияти давлату Ҳукумати Ҷумҳурии Тоҷикистон нисбати насли ояндасоз мебошад.
Нет комментариев