Санаи 17-уми феврали соли ҷорӣ дар ҷамоати деҳоти Ориёни ноҳияи Ашт бозори нав мавриди истифода қарор гирифт.
Дар маросими ифтитоҳи бозиор и.в раиси ноҳия Зариф Мирдадо суханронӣ намуда, қайд кард, ки бо дастгирии соҳибкори маҳаллӣ Абдусалом Қаҳҳоров боз як бозори нави ба талаботи рӯз ҷавобгӯ бунёд шуд, ки барои ба фурӯш гузоштани маҳсулоти хушсифат мусоидат мекунад.
Дар идома Зариф Мирдадо ба Қаҳҳоров Абдусалом ва ба шахсоне, ки дар бунёди ин маркази савдо саҳмгузорӣ кардаанд минатдорӣ баён намуда, гуфт: “Умед аз он дорам, ки минбаъд низ соҳибкорон дар корҳои ободонии диёр ва баланд бардоштани сатҳи зиндагии мардум боз ҳам хизматҳои арзанда менамоянд”.
Зимнан, сохтмони бозор дар ҷамоати деҳоти Ориён моҳи ноябри соли 2016 оғоз гардида, моҳи январи соли 2017 ба итмом расонида шуд. Он бо харҷи 1 миллиону 215 ҳазор сомонӣ дар масоҳати 2,95 гектар бунёд гардидааст. Дар бозори нав барои зиёда аз 50 нафар сокинон ҷои корӣ таъсис дода шудааст.
Нет комментариев