Ҳамасола рузи 20 феврал, шуруъ аз соли 2009 инҷониб рӯзи байналмиллалии адолати иҷтимоӣ (World Day of Social Justice) дар тамоми ҷаҳон ҷашн гирифта мешавад.
Бахшида ба ин рӯз давлатҳои аъзои СММ бо тариқи ташкили якчанд чорабиниҳо баҳри устуворгардонии адолати иҷтимоӣ мусоидат мекунанд, кӯшиш ба харҷ медиҳанд, то ҳарчи бештар ба масоили адолати иҷимоӣ ва амалигардонии он дар тамоми олам ҷомеаи ҷаҳониро ҷалб намоянд. Ташкилкунандагони ин чорабинӣ бар ин назаранд, ки ин рӯз бояд баҳри решакан кардани камбизоатӣ миёни аҳолии ҷаҳон, таъмини мардум бо ҷои кори доимӣ, баробарҳуқуқии марду зан ва ҳамчунин бомуваффақият амалӣ кардани адолати иҷтимоӣ баҳри ҳамагон мусоидат намояд.
Яке аз мақсадҳое, ки ба ин самт равона гардидааст, ин «Эъломия дар бораи адолати иҷтимоӣ дар самти ҷаҳонишавии одилона» ба шумор меравад. Дар ин эъломия бештар барои расидан ба адолати иҷтимоӣ дар самти таъмини доимии аҳолӣ шуғли доимӣ ва доштани ҳуқуқҳои баробар дар самти фаъолияти корӣ такя карда шудааст.
Тоҷикистон низ ҳамчун қисми ҷудонашавандаи ҷомеаи ҷаҳонӣ баҳри таъмини баробарҳуқуқӣ, соҳибихтиёрии давлати худ ва рушду камоли он дар амалисозии адолати иҷтимоӣ ва таъмини он ҳамвора кӯшишҳо ба харҷ медиҳад. Яке аз самтҳое, ки баҳри амалисозии адолати иҷтимоӣ дар кишвар ба роҳ монда шудааст, ин таъмини аҳолӣ бо ҷойи кори доимӣ ва фароҳам овардани шароити хуби корӣ мебошад.
Пан Ги Мун адолати иҷтимоиро ингуна баён намудааст:
Адолати иҷтимоӣ — ин на танҳо тақозои этикист, балки асоси устувории миллӣ ва рушду осоиштагии мардуми ҷаҳон аст. Имкониятҳои баробар, ҳамраъйӣ, эҳтироми ҳаёти шахсӣ ва ҳуқуқҳои шаҳрвандон андозаҳоест, ки барои рушду осоиштагии ҳар миллату давлат хеле муҳим арзёбӣ мешаванд.
Нет комментариев