Тибқи-нақша чорабиниҳои шуъбаи маорифи шаҳри Хуҷанд бахшида ба Рӯзи гиромидошти Модар дар муассисаҳои таълимии шаҳр чорабиниҳои идона идома доранд. Аз ҷумла дар комплекс-кӯдакистон барои кӯдакони узви босираашон суст ва нобино чунин як чорабинии бошукуҳ баргузор гардид, ки дар он кӯдакон ва хонандагон бо шеъру сурудҳои дилангез табъи ҳамагонро болида гардонданд.
Ҳамчунин бахшида ба Рӯзи модарон дар МТМУ №15 бо иштироки толибилмони синфҳои 9-11 озмуни «Кадбонуи беҳтарин» ва намоиши ҳунарҳои мардумӣ гузаронида шуд, ки писанди хотири иштирокчиён қарор гирифт. Ҳадаф аз баргузории чорабинии мазкур эҳёи ҳунарҳои мардумӣ ва намоиши ҳунуру истеъдод ва маҳорати пазандагии толибилмон буд, ки онҳо аз уҳдаи шартҳо ба хубӣ баромаданд. Дар МТМУ №11 дар синфи 5 омӯзгори фанни биология Гулнора Абдувоҳидова озмуни «Гулбазм»-ро баргузор намуд, ки дар он толибилмон фаъолона иштирок карданд.
Бахшида ба ҷашнҳои Рӯзи Модар ва Наврӯзи Аҷам дар муассисаҳои таълимии шаҳри Хуҷанд гузаронидани чорабиниҳои идона идома доранд.
Манбаъ: http://khujand.tj/
Нет комментариев