Бо дастгирии Ҳукумати Ҷумҳурии Тоҷикистон ҷиҳати муаррифӣ намудани захираҳои бойи таърихию фарҳангӣ ва сайёҳии кишвар дар сатҳи байналмилалӣ Кумитаи ҷавонон, варзиш ва сайёҳӣ зери роҳбарии муовини якуми Раис Назарзода Ризо Шодик ва ширкатҳои сайёҳӣ аз ҷумла, «Ассотсиатсияи Сайёҳии Эко-Фарҳангии Помир» «Боми Ҷаҳон Тур», «Ором саёҳат», «Кўҳандиз», «Саёҳатҳои кўҳии Помир, «Диана ва Т», «Помир Сафарӣ», «Скай Тур», «Морхур», «Тоҷикистон Тревел», «Тоҷик Тур», «Ҷавоҳир», «Ориент Адвентур», «Зарафшон Маҷестик Трэйвел», «Виркан-сайр», «Сари Хосор Тревел» «Маҷмааи кўҳию лижаронии Сафед-Дара» рўзҳои 8-12 март дар Намоишгоҳи ITB –Берлин иштирок менамоянд.
Хотирнишон менамоем, ки ҳайати расмии Ҷумҳурии Тоҷикистон дар Намоишгоҳи байналмилалии туристии ҷаҳон ITB-Берлин соли 10-ум аст, ки ба ҷаҳониён имкониятҳои туристии мамлакатро муаррифӣ менамоянд.
Қобили тазаккур аст, ки сол то сол тавассути иштирок дар намоишгоҳҳо ва дигар чорабиниҳои бонуфузи байналмилалӣ мавқеи Тоҷикистон ҳамчун кишвари осоишта ва дорои имкониятҳои бойи сайёҳӣ дар бозори ҷаҳонии туристӣ устувор гашта истодааст ва ин барои афзоиш ёфтани ташрифоти дўстдорони сайру саёҳат аз минтақаҳои гуногуни ҷаҳон ба Тоҷикистон саҳми арзандаи худро мегузорад.
Нет комментариев