Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба диққати шаҳрвандон ва меҳмонони кишвар мерасонад, ки тибқи маълумоти Агентии обуҳавошиносии Ҷумҳурии Тоҷикистон, аз 30 март то 1 апрели соли 2017 дар ҷумҳурӣ ҳавои номусоид дар назар дошта, боришот, дар баъзе минтақаҳо боронҳои шиддатнок ва пай дар пай, дар манотиқи кӯҳӣ барфи тар пешгўӣ карда мешавад. Эҳтимоли раъду барқ низ вуҷуд дорад.
Инчунин таҳдиди баландшавии оби дарёҳои Қизилсу, Оқсу ва Оби Хингоб, инчунин дарёҳое, ки дар минтақаи қаторкӯҳҳои Ҳисор воқеъ ҳастанд, дар роҳҳои кӯҳӣ эҳтимоли лағзиши тарма, сангрезаҳо ва омадани сел дар назар аст.
Дар ин робита, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз аҳолӣ хоҳиш мекунад, ки дар чунин рӯзҳо аз сафарҳои бемаврид ва нозарур аз минтақа ба минтақаи дигар, бахусус ба манотиқи тармахез ва селрез худдорӣ кунанд.
Манбаъ: http://khovar.tj/
Нет комментариев