Дар пойтахти Бритонёи Кабир азсанҷишгузаронии оммавии автомобили худидорашавандаи Harry, ки бо шарофати соатсози англис Ҷон Ҳаррисон номгузорӣ карда шудааст, огоз ёфт. Шаттли худмухтор, ки барои 4 нафар ҷойи нишаст дорад, ба самти Гринвичи шимолӣ аз назди майдони «O2 Арена» роҳ пеш мегирад.
Автобуси бидуни ронанда модели коркардшудаи «ултрапод» (Ultra Pod) мебошад, ки аллкай мусофиронро аз самти фурудгоҳи Хитроуи Лондон ба ҷойи лозима бурда истодааст. «Капсула» нисбатан суст ҳаракат мекунад. Суръатнокии ҳаракати он 16 километр соат мебошад, ки хатари ба вуҷуд омадани садамаи нақлиётиро нисбатан кам мекунад.
Ба ғайр аз ин, дар ҷойи нишасти ронанда ҳамеша ба истилоҳ «одам-оператор» ҳаст, ки дар ҳолати фавқуллода идораикунии нақлиётро ба зиммаи худ мегирад. Бо шарофати камераҳо ва лазерҳо нақлиёти Harry қодир аст, ки автомобилҳои дар рӯ ба рӯи худ дучорояндаро бинад ва ба GPS ва дигар системаҳои навигатсионӣ такъя накарда, аз сар задани хатар раҳоӣ ёбад.
Чуноне Engadget қайд мекунад, дар давоми ҳар як 8-соати ҳаракаткунӣ дар роҳ шаттлҳо 4 терабайтӣ маълумотҳои асосиро ҷамъ менамоянд, ки барои таҳлил намудани ҳолати роҳ муҳим мебошанд. Баъдтар ин маълумотҳоро боз дар дигар лоиҳаҳо, ки бо нақлиёти худидорашаванда вобаста мебошанд, низ истифода бурдан мумкин аст.
Лоиҳаи тадқиқотии GATEway Project – ро ҳукумати Бритонёи Кабир маблағгузорӣ мекунад. Арзиши ин ташаббускорӣ 8 миллион фунт стерлин ҳисобида шудааст.
Нет комментариев