Пешвои маънавии исмоилиёни ҷаҳон Шоҳзода Карим Оғохони IV ба Маскав ташриф оварда, бо вазири корҳои хориҷии Русия Сергей Лавров дидору гуфтушунид кард. «Ҳамкории мо натанҳо барои ҷамоати ман, балки барои тамоми Осиёи Марказӣ муҳим аст. Маҳз ҳозир мо ниҳодҳои муштарак таъсис медиҳем, ки барои рӯйдодҳои ҷараёндошта дар саросари Осиёи Марказӣ хеле муҳиманд», — гуфтааст Шоҳзода Оғохони IV зимни вохӯрӣ бо Сергей Лавров. Сергей Лавров мақоми хосса доштани назари пешвои маънавии исмоилиёнро «натанҳо оид ба мушкилоти Афғонистон, балки доир ба мушкилоти дигари замони муосир низ» қайд кардааст. «Мебинем, ки шумо дар куҷое набошед, натанҳо ба ҳимоя аз манфиатҳои исмоилиён омода ҳастед, балки хостори кумак ба ҳалли мушкилоте мебошед, ки тайи 10 соли ахир дар вазъи байнулмилалӣ хеле хатарнок шудааст», — иброз доштааст Лавров.
Манбаъ: www.news.tj
Нет комментариев