Facebook системаро офарида истодааст, ки бидуни истифодабарии қувваи дастгоҳҳои периферийӣ барои фикран идора намудани компютер мусоидат менамояд, яъне ин ба истилоҳе «муш барои майнаи сар» мебошад. Дар ин бора ҳафтаи гузашта роҳбари шӯъбаи махфии Facebook Building 8, ки бо коркард намудани технологияҳои воло машғул аст, Регина Дуган хабар додааст.
Чуноне Дуган қайд намуд, новобаста аз оне, ки ҳоло идоракунии компютер бо системаи «фикрӣ» дар назар ғайривоқеӣ менамояд, лекин шояд ин система аз вақти тахмин мекардаи Шумо ҳам пештар ба кор дарояд. Айни замон дар назди шӯъбаи Building 8 вазифаи офаридани системае гузошта шудааст, ки бе иштироки инсон ва дигар воситаҳо дар як дақиқа 100 калимаи фикрро сабт намояд.
Регина Дуган қайд мекунад, ки ширкат барои офаридани системае нақша дорад, ки фикрҳои ногаҳонии одамонро пай бурда, онро ба ТАСС мерасонад. Чунин тахмин меравад, ки инсон танҳо он фикрҳоеро интиқол медиҳад, ки худаш мехоҳад. Эҳтимол барои ин санҷандаҳои махсус истифода бурда шавад, ки аз пайи фаъолнокии маркази нутқии майнаи сари инсон, ки хомӯширо нигоҳ дошта, баъдан он иттиллоъро ба компютер медиҳад, назорат мебарад.
Ба сифати намоишдиҳандаи ин калимаҳо видеонаворе намоиш дода шуд, ки дар он зани гирифтори бемории фалаҷ тавассути қувваи фикрӣ матни мехостаашро чоп мекард. Барои ин импланти махсус истифода бурда мешуд. Суръатнокии чопкунӣ бошад, ҳашт калима дар як дақиқа буд.
Ба ғайр аз ин, ширкат технологияеро коркард менамояд, ки барои «бо пӯст шунидан» имкон медиҳад. Барои ин садо ба «вибратсия» ва дигар бонгҳо (сигналы) табдил меёбад, ки истифодабаранда онро дар чунин шакл эҳсос менамояд. Ин гуна система ба ношунавоён имкон медиҳад, ки садо ё овозро шунида тавонанд. Дар намоиши видеонавор марде, ки дида ва гап зада наметавонад, тавассути дастгоҳи коркард намудаи ширкат муошират намуд.
Зершӯъбаи нави Facebook, Building 8, ки соли гузашта таъсис дода шуда буд, ВАО онро «шӯъбаи махфӣ» номиданд. Воҳиди кории шӯъба аз 60 нафар корманд иборат мебошад, ки бо коркард намудани ителлекти сунъӣ ва дигар самтҳои он машғул мебошанд.
Нет комментариев