Беш аз 260 миллион нафар метавонанд соли 2022 дар натиҷаи пандемия, афзоиши нобаробарии ҷаҳонӣ ва афзоиши беандозаи арзиши ғизо ба фақри шадид гирифтор шаванд. Тавре АМИТ «Ховар» хабар медиҳад, дар ин бора дар ҳисоботи охири Oxfam таҳти унвони «Аввал буҳрон, сипас фоҷеа» гуфта шудааст.
Ба гуфтаи директори Оксфам Intermón Франк Кортад, агар тадбирҳои қатъӣ ва фаврӣ андешида нашаванд, инсоният метавонад ба баландтарин афзоиши камбизоатӣ ва ранҷу азоб дучор ояд.
Дар ҳисобот нишон дода шудааст, ки то охири соли ҷорӣ дар маҷмӯъ 860 миллион нафар метавонанд ба вазъи фақри шадид (бо даромади камтар аз 1,9 доллар дар як рӯз) гирифтор шаванд. Ин вазъ дар сатҳи гуруснагӣ дар сар то сари ҷаҳон низ инъикос ёфтааст, зеро тибқи гузориш, шумораи афроде, ки аз камғизоӣ ранҷ мебаранд, имсол метавонад ба 827 миллион нафар расад.
Тибқи баҳогузори Бонки ҷаҳонӣ, COVID-19 ва афзудани нобаробарӣ метавонад боз 198 миллион нафарро соли 2022 ба фақри шадид рӯ ба рӯ созад, ки ин ду даҳсолаи пешрафтро ба нестӣ мебарад.
Бар асоси таҳқиқоти Бонки ҷаҳонӣ, Oxfam Intermón ҳоло тахмин мезанад, ки танҳо болоравии қимати ғизо дар саросари ҷаҳон боз 65 миллион нафари дигарро ба фақри шадид тела медиҳад ва ин соли 2022 ба 263 миллион нафар мерасад, ки ин ба шумораи умумии аҳолии Британияи Кабир, Фаронса, Олмон ва Испания баробар аст.
Дар робита ба Испания Oxfam Intermón ҳушдор медиҳад, ки болоравии нишондиҳандаи нархҳои истеъмолӣ (ННИ) дар моҳи март то 9,8 дарсад, ки баландтарин сатҳ дар моҳи майи соли 1985 сабт шудааст, аллакай қобилияти талафоти ҷаҳонии харидориро нишон медиҳад ва ин махсусан ба хонаводаҳое, ки даромади камтар доранд, таъсир хоҳад кард. Ҳолати мазкур, тавре Оксфам ҳушдор медиҳад, кишварро дар остонаи буҳрони таваррум қарор дода, вазъеро, ки дар натиҷаи пандемия ба вуҷуд омадааст, чун дар соли аввали пандемия, ки беш аз як миллион нафар дар ҳолати маҳрумияти шадиди моддӣ қарор доштанд, боз шадидтар мекунад. Таъсири иқтисодӣ ва иҷтимоии коронавирус аллакай беш аз 600 000 хонаводаро бе даромад гузошт.
Дар ин гузориш ҳамчунин гуфта мешавад, ки фақр дар ҳама кишварҳо бадтар мешавад ва ҳукуматҳо бояд андозро барои сарватмандон боло бардоранд. Тибқи баҳогузории Oxfam, андози ҳамасола барои дороӣ, шурӯъ аз 2% барои миллионерҳо ва 5% барои миллиардерҳо метавонад ҳамасола 2,52 миллиард доллар фоида орад, ки ин барои аз фақр раҳоӣ ёфтани 2,3 миллиард нафар кофист.
Oxfam аз кишварҳои G-20, Бонки ҷаҳонӣ ва ХБА даъват мекунад, ки кумак ба кишварҳои камбизоатро афзоиш диҳанд ва қарзҳои онҳоро бетаъхир бубахшанд.
Манбаъ: АМИТ «Ховар»
Нет комментариев