Озмуни “Зебосанами Сабантуй — 2017” бори нахуст дар толори варзишии “Арсеналес” баргузор мешавад.
Тоҷикистонро имсол Мавзуна Маҳмадалиева намояндагӣ мекунад. Ба иттилои расонаҳо, дар баробари Мавзуна Екатерина Яқубова (рус), Анжела Белди (нанай), Ксения Латипова (тотор), Ликанида Березнюк (укроин), Анна Григорян (арман) ва Нуркиз Мазанбаева (қирғиз) ҳам барои дарёфти ҷоиза талош хоҳанд кард.
Рӯзи якшанбе, санаи 25-уми июни соли равон доварон интихоб хоҳанд кард, ки кадоме аз 7 нафар ба унвони “Мисс Сабантуй” даст меёбанд. Муддаиёнро зарур аст, ки таомҳои миллии худро пешниҳод намуда, дастархони бо шеваи миллӣ оросташударо муаррифӣ кунанд. Иҷрои барномаҳои ҳунарӣ ҳам яке аз шартҳои озмун аст.
Озмуни “Мисс ё Зебосанами Сабантуй” яке аз тарҳҳои маъруф дар Шарқи Дур мебошад, ки ҳадафаш иттиҳоди мардумони Русия аст. Он аз соли 2009 ба ин сӯ бо ибтикори маркази миллӣ-фарҳангии тоторҳои Хабаровск — “Хабар” баргузор мешавад.
Манбаъ: http://www.ozodagon.com/
Нет комментариев