Барои корбарони яке аз маъруфтарин мессенҷерҳои муосир – Viber барои бо эҳсоси бештар ва баёни ҳисси худ ҳангоми гуфтугӯ бо рафиқон ва наздикон имконоти ҷадид фароҳам мешавад.
Ширкати Tcell дар мессенҷери Viber часпандаҳои (стикер-смайлик) худро барои муошират сохтааст.
Часпандаҳо дар Viber – часпандаҳои махсусеанд, ки мисли смайликҳои оддӣ ҳангоми муошират ба ҳамдигар фиристода мешаванд.
Бастаи “Дар алоқа бош!” аз Tcell нахустин тамғаи тоҷикии бастаи часпандаҳо дар Viber шуд.
Часпандаҳои мусбат ва хандаовар бо хусусиятҳои миллии тоҷикӣ ва инчунин ҳарфҳо аз Tcell имкон медиҳад, эҳсосоти худро дар мукотибаҳо аз рӯи табъ иброз намоед.
Боргирӣ ва насби бастаҳои миллии часпандаҳо аз Tcell дар мағозаи часпандаҳои Viber барои ҳама истифодабарандаҳо ройгон аст. Бастаи часпандаҳоро дар Мағоза метавон таҳти унвони “Дар алоқа бош!” пайдо кард. Бо насби бастаи часпандаҳо аз Tcell шумо метавонед якбора хонандаи хабарҳои гуруҳи Tcell гардед. Баъд аз он метавонед дар бораи хабарҳои охирин ширкат ва навоварӣ дар бозори телекоммуникатсионӣ иттилоъ гиред. Дар гуруҳи Tcell алакай наздики 18 ҳозор истифодабаранда сабт шудааст.
Соли 2015 ширкати Tcell барномаи миллии худ “ЧиГап”- ро барои муошират роҳандозӣ кард. Баъдан миёни рассомон ва дизайнерон барои сохтани смайликҳои “тоҷикӣ” озмун баргузор шуд, ки ҳоло дар барнома ҷорӣ шудааст.
Инҳо қаҳрамонони халқӣ тоҷиканд, ки салом медиҳанд, ба ош даъват мекунанд, ханда мекунанд, ғамгин мешаванд. Дар асоси смайликҳои сохташуда барои барномаи “ЧиГап” ширкати Tcell часпандаҳоро барои аудиторияи тоҷик дар Viber ҳам сохт.
Бо часпандаҳои шавқовар аз Tcell эҳсоси хуби худро дар фосилаҳо изҳор намоед.
Tcell- бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED — Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии халқҳои кишварҳои рӯ ба тараққӣ тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин кор мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
Манбаъ: Хадамоти иттилоотии ширкат
Нет комментариев