Газна (крапива ва ба лотинӣ Urtica) як намуди растании бисёрсолаи гулдор буда, ба оилаи газнагулон дохил мешад. Пояаш рост ва сершох то 30-150 см. қад мекашад. Баргаш ба барги тут шабоҳат дорад ва рангаш сабзи хира мебошад. Гули Газна майда, ранги сабз дошта, ба шакли хӯша дар сабад гул дар таги каши баргҳо ҷойгир мебошад. Газна аз моҳи июн сар карда то охири тобистон гул мекунад. Қариб дар ҳамма ҷойи Газна пашмакҳои хорнамуд мавҷуд буда, ҳангоми ба кас халидан заҳри он пӯстро месузонад. Газна дар бисёри давлатҳо аз ҷумла дар Тоҷикистон низ мерӯяд.
Дар тиб ба мақсади шифобахшӣ навдаҳои ҷавон, барг ва решаи газнаро истифода мебаранд. Ҷамъоварии навдаҳои ҷавон дар аввали баҳор, сониян баргҳо ва нӯги растанӣ ва баъдан барги гулу решаро дар охири тирамоҳ ҷамъ оварда, дар ҷойи соя ва ҳавогузар хушк намуда, дар қутиҳо, халтаҳо муддати 2-сол нигоҳ медоранд ва истифода мебаранд.
Газна растанӣ алафи шифоҳӣ ва ғизоӣ буда, хосиятҳои хунбандкунӣ, пешобронӣ, қувватдиҳанда, фаъолкунанда, илтиҳомовари захм ва витаминдор мебошад.
Газнаро табибон бисёр вақт барои шифо бахшидан ба бемориҳои даруниву берунӣ дар шакли алоҳида ва ё омехтагӣ бо дигар гиёҳҳои шифоӣ истифода мебаранд. Дорувории газна илтиҳомовари яра ва захм буда ҷавонадорӣ (грануляция) ва пушидаи захмро ба заҳра (эпителия) метезонад. Дар соҳаи стомотология одам, шира, ҷавҳар, кӯфта ва хокаи газнаро бо усули берунӣ дар табобати касалиҳои илтиҳоби милки дандон, луобпардаи ковокии даҳон, илтиҳоби римноки бофтаи атрофи дандон (парадантоз), захмҳои тазиявӣ бо усули чақондан, шустан, ғар-ғара кардан истифода мебаранд.
Нет комментариев