Рӯзи гузашта аъзои Маҷлиси миллии Маҷлиси Олии Ҷумҳурии Тоҷикистон ворид намудани тағйиру иловаҳо ба Қонуни Ҷумҳурии Тоҷикистон «Дар бораи реклама» -ро баррасӣ ва ҷонибдорӣ карданд. Ҳамин тавр дар Тоҷикистон рекламаи тамоку, машрубот ва маҳсулоти тамоку манъ карда мешавад. Зикр гардид, ки тибқи қонуни мазкур, ки охири моҳи майи соли равон аз ҷониби вакилони Маҷлиси намояндагон қабул гардидааст, шахсони воқеию ҳуқуқие, ки дар Тоҷикистон машрубот, тамоку ва маҳсулоти тамоку истеҳсол мекунанд, вобаста ба реклама сарпараст буда наметавонанд. Қонуни мазкур баъд аз имзои Президенти Ҷумҳурии Тоҷикистон ва интишор дар нашрияҳои расмии кишвар мавриди амалӣ қарор хоҳад гирифт.
Манбаъ : Агентии миллии иттилоотии Тоҷикистон «Ховар»
Нет комментариев