Имрӯзҳо як қатор зарфҳои пластмассӣ, ба монанди зарфҳои якмаротибаистифодашаванда (чумчаву чангакҳо, стакону табақчаҳо) шишаҳои пластмассӣ ва ғайра ба фурӯш баромадаанд, ки аз тарафи одамон васеъ истифода бурда мешаванд. Албатта, на дар ҳама ҳолат истифодаи ин маҳсулот барои саломатӣ зараровар аст. Аммо чунин ҳам шуданаш мумкин аст, ки аз технологияи нодурусти истеҳсоли ин хел маҳсулот истифодабарии он метавонад ба саломатӣ зарар расонад.
Дар вилояти Томски Федератсияи Руссия корхонаи Ҷамъияти саҳҳомии пӯшидаи «Томские материалы», сӯзандоруҳои (шпритс) гуногунро аз тамоми беморхонаҳои вилоят, аз ҷумла, аз беморхонаҳои касалиҳои ВИЧ ва сил харидорӣ намуда, аз онҳо стаконҳо ва табақчаҳои якбористифодашаванда истеҳсол менамуданд, ки ин баъдтар аз тарафи мақомоти дахлдор ошкор гардида, мавриди санҷиш қарор гирифт. Партовҳои тиббии муассисаҳои табобатии касалиҳои ВИЧ ва сил ба гурӯҳи касалиҳои дараҷаи «В» (дар ФР) дохил карда шудааст, ки бояд пас аз истифода, безарар гардонида шуда, дар пакетҳои махсуси герметикӣ гирифта шуда, сӯзонида шаванд. Аммо ҳаминро қайд намудан зарур аст, ки на дар ҳамаи корхонаҳо аз партовҳои тиббӣ зарфҳои пластикиро тайёр мекунанд. Лекин ба ҳар ҳол пластика маҳсулоти химиявӣ мебошад ва метавонад ба хӯрок ҳамроҳ гардад.
Дар натиҷаи тадқиқот маълум гардидааст, арақҳое, ки дар зарфҳои пластикии аз полистирол тайёршуда гирифта мешаванд, бо пластика ба реаксия рафта, моддаи химиявии стиролро ҳосил менамояд ва ҳамон қадаре, ки арақ дар дохили ин зарфҳо нигоҳ дошта шавад, ҳамон қадар зарарноктар мегардад. Стирол моеи беранги бӯи тездошта ва заҳрдоркунанда мебошад. Зарфҳои аз полистирол тайёркардашуда дар зери он бо ҳарфҳои лотинии «PS», ё рақами 6 аломат гузошта мешавад. Зарфҳои аз полистирол тайёркардашуда ба ҳарорати баланд тобовар нестанд. Нӯшокии ҷӯшон ва ё машрубот метавонад онро нобуд намояд ва ба нӯшокӣ моддаи зараровар-стирол ҳамроҳ гардад.
Ин зарфҳоро асосан барои нӯшокиҳои хунук ва ғайримашруботӣ истифода намудан мумкин аст, на барои чойю қаҳва ва нӯшокиҳои машруботӣ. Аз рӯи қонун ҳар як зарф бояд дар танаш, бо мақсади муайян намудани аз кадом маҳсулот тайёр кардашудани он аломатгузорӣ карда мешавад: «PS» ё 6 — полистирол, «P» ё 5 – полипропилен ва ғ. Ногуфта намонад, ки зарфҳои аз полипропилен («P» ё 5) тайёр кардашуда ба нӯшокиҳои гарми то 1000С ва нӯшокиҳои машруботии қувваташ то 960 тобовар мебошанд.
Барои ҳамин дар зарфи платикӣ — хоҳ қошуқ ва хоҳ чангак, агар аломатгузорӣ карда нашуда бошад, беҳтараш аз истифода бурдани он дурӣ ҷӯед.
Нет комментариев