Минтақаи Тройенаи шаҳри Неом дар шимолу ғарби Арабистони Саудӣ дар 41-ум Ассамблеяи генералии Шӯрои олимпии Осиё дар Камбоҷа мизбони 9-ум Бозиҳои зимистонаи Осиё-2029 интихоб шуд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.
Ин аввалин кишвар дар Осиёи Ғарбӣ хоҳад буд, ки Бозиҳои зимистонаи Осиёро мизбонӣ мекунад. Бозиҳои зимистонаи Осиё аз соли 1986 чор маротиба дар Ҷопон, ду маротиба дар Чин ва як маротибаӣ дар Кореяи Ҷанубӣ ва Қазоқистон баргузор шудааст.
Бозиҳои зимистонаи Осиё-2029 сеюм чорабинии бузурги варзишӣ аст, ки Арабистони Саудӣ мизбонӣ мекунад. Қаблан Шӯрои олимпии Осиё ҳаққи мизбонии Бозиҳои Осиё-2034 ва Бозиҳои Осиё дар иншооти пӯшида ва ҳунарҳои размӣ дар соли 2025-ро ба Арабистони Саудӣ дода буд. Ин бозиҳо дар шаҳри Риёз баргузор хоҳанд шуд.
Манбаъ: АМИТ «Ховар»
Нет комментариев