Варзишгарони тоҷик дар мусобиқаи Чемпионати Осиё оид ба дзюдо байни наврасон, ки дар пойтахти Қирғизистон – шаҳри Бишкек баргузор гардид як медали тилло, як нуқра ва се медали биринҷӣ ба даст оварданд. Медали тиллоро варзишгари ҷавони тоҷик Раҳматуллобек Фарҳодов дар вазни 81 кг ба даст овард. Раҳматуллобек Фарҳодов дар финал бар паҳлавони эронӣ Ҷавод Муродӣ ғалаба кард. Варзишгари дигари тоҷик Темур Раҳимов дар вазни 100 кг соҳиби медали нуқра, Машраб Раҳмонов дар вазни 90 кг соҳиби медалҳои биринҷӣ гаштаанд. Бояд қайд кард, ки дар ин мусобиқа 178 варзишгар (107 мард, 71 зан) аз 17 давлати Осиё иштирок карданд. Дар ҳисоби даставӣ Тоҷикистон бо як медали тилло, як нуқра ва се биринҷӣ мақоми ҳафтумро касб намуд.
Манбаъ: Агентии миллии иттилоотии Тоҷикистон «Ховар»
Нет комментариев