Аз шаҳри Исфара 30 нафар волидайни ҷавонписароне, ки алъон дар сафи Қувваҳои Мусаллаҳи Ҷумҳурии Тоҷикистон адои хизмат мекунанд, ба аёдати фарзандонашон сафарбар карда шуданд.
Волидайни сарбозонро дар ин сафар намояндагони бахши кор бо ҷавонон ва варзиш, шўъбаи рушди иҷтимоиёт ва робита бо ҷомеа, шўъбаи кор бо занон ва оилаи мақомоти иҷроияи ҳокимияти давлатии шаҳри Исфара ҳамроҳӣ намуданд.
Волидони сарбозон таи ду рўз аз 15 қисмҳои низомии мустақар дар шаҳрҳои Душанбеву Ваҳдат ва ноҳияи Рўдакӣ боздид ба амал оварда, тавассути суҳбату мулоқотҳо бо ҳайати қумандонии қисмҳои ҳарбӣ, бевосита бо худи сарбозон ва боздид аз макони хизмату истироҳати аскарбаччаҳо аз ҳолу аҳвол ва сатҳу сифати хизмати ҷавонписаронашондар сафи Қувваҳои Мусаллаҳ огаҳӣ пайдо намуданд.
Зимни сафар волидайн фарзандонашонро бардаму солим, аз нигоҳи ҷисмонӣ обутобёфта ва бо чеҳраҳои хуррам дарёфт намуда, ба Ҳукумати Ҷумҳурии Тоҷикистон барои ғамхории рўзафзун дар ҳаққи сарбозон сипосгузориҳои худро баён доштанд.
Дар ин бора аз Хадамоти матбуоти Раиси вилояти Суғд
Нет комментариев