Ҳоло коркарди Senosis аз баҳодиҳии танзимкунандаи тиббии FDA-и амрикоӣ гузашта истодааст. Эксперт оид ба технологияҳои компютерӣ аз Донишгоҳи иёлоти Вашингтон дар Сиэтл, Шветак Пател ба ширкати Google стартапи Senosis Health-и худро фурӯхт.
Системаи офаридаи ӯ бо ёрии датчикҳо барои муайян намудани вазифаи кори шуш ва сатҳи гемоглабин имкон медиҳад, ки аллакай дар смартфонҳои муосир роҳандозӣ гардидааст. Системаи мазкур ба беморон имкон медиҳад, ки дар хона аз санҷишҳои асосии клиникавӣ гузаранд.
Дар бораи баста шудани шартнома оид ба технологияҳои компютерӣ миёни Google ва Шветак Пател нашриёти GeekWire хабар додаст. Аз болои лоиҳаи Senosis зиёда аз 10 нафар табибон ва коркардчиён бо роҳбарии Пател кор карда истодаанд. Дастаи корӣ системаи донои ташхисиро месозад, ки аз камера ва баландгӯяки дар смартфон насбкардашуда истифода мебарад.
Стартап аллакай силсилаи замимаҳоро барои ташхиси ҳолатҳо ва бемориҳои гуногун баровардааст. Масалан, замимаи HemaApp бо ёрии камера ба муайян намудани сатҳи гемоглабин дар хун ва ташхис намудани камхунӣ имкон медиҳад. SpiroCall ва SpiroSmart вазифаи шушро муайян мекунанд. Замимаи яккум аз рӯйи зангзанӣ ташхис мегузорад, замимаи дуюм аз баландгӯяки насбгардида истифода мебарад. Ҳардуи барнома ҳам барои ташхис намудани бемории сактаи дил (астма) ва бемории системавии ирсӣ (муковисцидоз) кӯмак мерасонанд. Инчунин Senosis замимае дорад, ки аз рӯйи сурат мавҷудияти касалии зардпарвинро дар кӯдакон муайян месозад.
Ҳоло коркарди Senosis аз баҳодиҳии танзимкунандаи тиббии FDA-и амрикоӣ гузашта истодааст. Агар истифодабарии онҳо дар ташхисҳои тиббӣ ҷоиз дониста шавад, пас замимаро дар давлатҳои рӯ ба рушд ниҳода истода, ки бисёр вақт барои харидорӣ намудани таҷҳизоти муосири тиббӣ ва додани маоши табибон маблағ намеёбанд, истифода хоҳанд бурд.
Бар ивази чӣ қадар маблағ ширкати Google стартапи америкоиро харидорӣ намудааст, маълум нест. Сарчашмаҳо тасдиқ мекунанд, ки Senosis ба ҳайъати зершӯъбаҳои тиббии ширкатҳои Verily ворид нашуда, балки алоҳидагӣ кор хоҳад кард. Инчунин маълум аст, ки дар лаҳзаи аввали баромаданаш стартап давраи маблағгузории А-ро сар дода буд, вале барои ҷалб намудани воситаи пулӣ муваваффақ нашуд. То ин замон ширкат аз ҳисоби грант ба маблағи 1 миллион доллар арзи ҳастӣ дошт, ки Senosis онро аз рӯйи барномаи Small Business Innovation Research ба даст оварда буд.
Google аллакай кайҳо боз бо лоиҳаҳои соҳаи тибб суру кор мегирад. Экспертҳои ширкат барои назорат кардани вазъи саломатӣ соатҳои доноро офариданиянд, ки бо пашшаю хомӯшакҳои вируси касалиҳоро паҳнкунанда мубориза мебарад ва воситаи назорат аз болои бемории қанд (диабет) мебошад.
Нет комментариев