Ширкати Panasonic дар намоишгоҳи IFA, дар Берлин яхдонеро намоиш дод ва он орзуи одамонеро, ки аз рахти хоб нахеста, хӯрок хӯрдан мехостанд, амалӣ гардонид. Ин робот-яхдоне, ки онро бо ҷеғзанӣ ба назди худ хондан мумкин аст.
Ин хоб не, ҳақиқат аст.
Яхдони «доно»-и ширкати Panasonic аз рӯйи принтсипи робот-чангкашак кор мекунад. Он бо ёрии сенсорҳо дохили хонаро омӯхта, ҷойҳои роҳгардиро муайян мекунад. Он доимо дар реҷаи интизорӣ қарор дорад ва вақте, ки яке аз соҳибони хона даъват намояд, зуд ба наздаш меравад. Масалан, агар «яхдон ин ҷо биё» гӯед, он аз ҷои худ баромада, ба наздатон меояд.
Ин яхдон дар навбати аввал барои одамони имконияташон маҳдуд ва калонсол пешбинӣ гардидааст, хабар медиҳад Engadget. Вале дар байни дигарон хоҳишмандоне кам нестанд, ки шояд соҳиби чунин яхдон шуданиянд.
Вале ҳоло ин чиз чун орзу боқӣ мемонад, зеро ширкат ҳоло намедонад, ки кай чунин яхдонро барои ҳамагон аз истеҳсол мебарорад. Ҳоло албатта варианти ниҳоии яхдон тасдиқ нашудааст, зеро аз болои коркард намудани яхдони «доно» коркардчиён ҳанӯз кор карда истодаанд. Масалан, ширкати Panasonic ба он илова намудани ҷойи зудгаркунандаи хӯрокро ба нақша гирифта истодааст.
Нет комментариев