Президенти зершӯъбаи мобилии Samsung Донҷин Ко (Koh Dong-jin, ки ҳамчун D.J. Koh низ маъмул аст) дар рӯзи намоши iPhone-и нав ногаҳон қарор дод, ки ба оҷонсии иттилоотии Associated Press дар бораи нақшаҳои ширкати куриёгӣ барои соли оянда хабар диҳад. Дар байни дастгоҳҳои нави ваъдагӣ смартфони чандир низ ҷой дорад.
Мувофиқи суханони роҳбари тиҷорати мобилии Samsung, ширкат кӯшиш карда истодааст, ки экрани смартфони навбатиро аз Galaxy Note ба ду қисми баробар қатшаванда гардонад, одатан «ноутҳо»-ро дар охири фасли тобистон ва оғози тирамоҳ мебароранд.
Смартфон-2020: он чӣ хел мешавад?
Аммо Ко қайд намуд, ки ҳоло дар пеши муҳандисон як қатор проблемаҳо ҳалнашуда боқӣ мемонанд. Агар кор аз болои ин проблемаҳо бомуваффақият анҷом ёбад, Note-и экранаш қатшаванда дар ҳақиқат ҳам соли 2018-умбароварда мешавад, вагарна баромадани он боз ба мӯҳлати дуррудароз боқӣ мононда мешавад. Samsung намунаи дисплейи қатшавандаро ҳанӯз дар соли 2013-ум намоиш дода буд, вале то ҳол чӣ тавр бидуни зараррасонӣ ба смартфон муҷаҳҳаз намудани онро баҳри истифодабарии бароҳат фикр карда набаромадааст.
Ко инчунин тасдиқ намуд, ки дар Samsung якҷоя бо ширкати бузурги куриёгии Harman, ки ба наздикӣ онро харидорӣ карда буд, колонкаи «доно»-ро бо мадарасони садоии Bixby коркард карда истодаанд.
Нет комментариев