Зоҳиран ҳавопаймои қоғазини муқаррарӣ то 40 км соат ҳаракат мекунад ва ҳаракатҳои душвори ҳавонанаварди олиро иҷро мекунад. Power-Dart аз модули идоракунӣ ва винт иборат мебошад, ки онро ба дилхоҳ ҳавопаймочаи қоғазин насб кардан мумкин аст. Ҳамин тавр, он ҳавопаймочаи қоғазинро ба мини-дрони ҳақиқӣ табдил додан мумкин, ки тавассути фармондиҳӣ аз смартфон бо осонӣ идора карда мешавад. Power-Dart ин дастгоҳи қоғазини парвозкунанда мебошад, ки бо сураътнокии то 40 км/соат ҳаракат карда, дар фазо даврзанон, шаклҳои геометрии ҳавонаварди олиро анҷом дода метавонад.
Худи блок аз модули алоқа бо идоракунанда, муҳаррикча ва аккумулятор иборат аст, ба он винт ва дастак барои ба ҳаракат даровардани ҳавопаймоча насб карда шудааст. Винт кашиши заруриро таъмин мекунад ва дастакҳо тавассути болҳо ба ҳар самт гашта, барои идора кардани ҳавопаймочаи қоғазин имконият медиҳанд.
Аз қоғази ғафс ду адад ҳавопаймоча сохта, ба ҳамдигараш часпонед ва ба он Power Dart-ро васл намуда, оҳиста онро ба ҳаво сар медиҳед. Идоракунии минбаъада тавассути замимаи мобилӣ амалӣ карда мешавад, ки ба воситаи он ҳавопаймочаро рондан ва суръати ҳаракати онро баланд кардан мумкин аст. Дар Power Dart дараҷаи нерӯи аккумулятор ва маълумоти дигар нишон дода мешавад. Вақти умумии парвоз 10 дақиқаро ташкил медиҳад. Батареяи Power Dart дар давоми 25 дақиқа аз нерӯъ пур мешавад.
Нет комментариев