Бо қарори шаҳрдори Хуҷанд аз 18 сентябри соли 2017 Музаффар Раҳимхӯҷаев мудири бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳри Хуҷанд таъин карда шуд. М. Раҳимхӯҷаев дастпарвари Донишгоҳи давлатии тиҷоратии Тоҷикистон, Академияи хоҷагии халқ ва хизмати давлатии назди Президенти Федератсияи Россия буда, дорои ихтисосҳои молия ва қарз, идоракунии давлат ва маҳал мебошад. Номбурда фаъолияти меҳнатиашро ба сифати сармутахассиси Иттифоқи ҷавонони шаҳри Хуҷанд оғоз намуда, баъдан дар вазифаҳои муовини раиси Иттифоқи ҷавонони шаҳри Хуҷанд, сармутахассиси шуъбаи кор бо ҷавонони шаҳри Хуҷанд, мудири шуъбаи мактубҳо ва қабули шаҳрвандони дастгоҳи Раиси шаҳри Хуҷанд, мудири бахши баҳисобгирии манзили мақомоти иҷроияи ҳокимияти давлатии шаҳри Хуҷанд, сармутахассиси бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳри Хуҷанд кору фаъолият намудааст. Музаффар Раҳимхӯҷаев то таъин шуданаш ба вазифаи мудири бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳр ба ҳайси ҷонишини директори генералии КВДК «Сарраёсати ободонӣ ва хоҷагии манзилию коммуналӣ»-и шаҳри Хуҷанд кору фаъолият менамуд.
Манбаъ: Сомонаи расмии МИҲД-и вилояти Суғд
Нет комментариев