Барги офтобпараст калон мебошад. Дар охири пояи он хушагули калони сабадак ҷой гирифтааст. Ҳамаи гулҳои сабадак найчагул буда, гулҳои канори сабадак забонакгул мебошанд. Забонакгулҳои канорӣ гардтсон ва гардгирак надоранд. Онҳо танҳо ҳашаротро ба худ ҷалб мекунанд.
Дар як сабадаки офтобпараст то 1000 гул мавҷуд аст. Аз ғураки бордоршудаи он мевадона инкишоф меёбад 57 , 58. Дар таркиби тухми офтобпараст, вобаста ба навъҳояш, аз 30-35 фоиз то 50-60 фоиз равған мавҷуд аст. Равғани офтобпараст маҳсулоти пурқимати ғизоӣ аст. Онро дар истеҳсолот барои тайёр намудани маргарин, ҳалво, собун ва маводи рангубор (алиф, лак) истифода мебаранд. Партови равғанкашии он (кунҷора) хӯроки серғизои чорво ба ҳисоб меравад.
Инчунин аз баргу пояи он барои хӯроки чорво силос тайёр мекунанд.
Ватани офтобпараст Амрикои Шимолӣ мебошад. Вай дар он ҷо ба таври худруй вомехӯрад. Бори аввал офтобпарастро испаниҳо соли 1510-ум ба Аврупо оварданд. Сипас Пётри I онро аз Голландия ба Русия овард. Дар Русия онро аввал чун растании ороишӣ парвариш мекарданд.
Тақрибан баъди дуюним аср хусусияти равғандиҳандагии онро ошкор карданд. Ба ҷуз офтобпараст, топинамбурро низ ба сифати растании пурқимати ғизоӣ парвариш мекунанд.
Нет комментариев