Мутахассисон чунин меҳисобанд, ки барои дил парҳези мувозинатноке, ки ҳамаи чор манбаъҳои асосии моддаҳои ғизоӣ мева ва сабзавот, гӯшт, маҳсулоти ширӣ, донагиро дар бар мегирад, муфид аст. Ба дастур оиди ғизои солим такя намуда, аз болои равған, холестерин ва намаки таркиби ғизо назорат намоед.
Халал намерасонад, агар дар бораи парҳези худ ва дар бораи он ки чӣ тавр онро беҳтар гардонед сӯҳбат кунед. Вале бояд гуфт, ки принсипи «ҳамаи чиз бо андозааш хуб аст» беҳтарин ба шумор меравад. Чӣ тавре ки мутахассисон меҳисобанд, ҳатто истеъмоли боандозаи нӯшокиҳои спиртӣ барои саломатӣ фоида дорад. Тадқиқотчиён муайян кардаанд, ки одамоне, ки нӯшокиҳои спиртиро бо як андозаи муайян менӯшанд нисбат ба одамони наменӯшидагӣ камтар ба бемории дил дучор мешаванд. Акнун ба равғаннокӣ муносибат дигар мешавад. Зиёдатии равған дар бадан метавонад ба зиёдашавии сатҳи холестерин ва инкишофи атеросклерез, ба вуҷудоии қабатҳои равған дар деворҳои дохилии рагҳо оварда расонад. Аммо истеъмоли нокифоя ё тамоман набудани равғаннокӣ ҳам зарар дорад.
Охир витаминҳои дар равған ҳалшаванда танҳо дар ҳолати мавҷуд будани равған дар бадан ҳазм мешаванд. Аз ин рӯнорасоии равған боиси норасоии витамин мегардад. Агар дар ғизо тамоман равған набошад, одам худро гурусна ҳис мекунад ва дар натиҷа аз ҳад зиёд мехӯрад. Чунин парҳез аз сабаби норасоии моддаҳои ғизоӣ ба саломатӣ таҳдид мекунад. Кӯдакони дар авҷи афзоиш бударо дар парҳез шинондан хатарнок аст.
Ана боз якчанд маслиҳатҳои мутахассисон оиди парҳези барои дил муфид:
-на фақат ба намуди ғизо, балки инчунин ба тарзи тайёр кардани он аҳамият диҳед;
-ба ҷои бирён кӯшиш кунед сарпӯши зарфро пӯшонда ҷӯшонед, дар грил тайёр кунед.
—ҳар чӣ бештар ҳуҷайрагӣ истеъмол намоед-мутахассисон -25-35 грамми онро дар як рӯз маслиҳат медиҳанд. Ҳуҷайрагии ҳалшаванда ва ҳалнашаванда хусусиятҳои гуногун дорад. Ҳалшаванда (дар таркиби меваҳо ва овёс мавҷуд аст) сатҳи холестеринро паст мекунад, ҳалнашаванда (меваҳои хушк) ҳазмшавиро метезонад.
—ғизои ба ном натуралиро истеъмол намоед. Чӣ қадаре, ки он камтар коркард шуда бошад, ҳамон қадар зиёдатар барои шумо фоидаовар аст.
Нет комментариев