Меваҳоро аз хориҷ сабзу хом ворид месозанд, аммо дар рафи бозору мағозаҳоро бонанҳои зард, лимуву афлесунҳои пухтарасида пур кардаанд. Воқеан ин меваҳо чӣ хел «пухта» мерасанд? Ин боғдорӣ нест, ин технология мебошад ва аз болои он агрономҳо неву химикҳо кор мебаранд. Бонанҳоро дар қуттӣ ба камераи газӣ ҷой мекунанд ва дар ҳарорати +18 градус гарм намуда, гази бонанӣ, яъне омехтаи азот ва этиленро сар медиҳанд. Этилен пайвастагии химиявӣ буда, фитогармон ба ҳисоб меравад. Он меваҳоро маҷбур месозад, ки пӯхта расанд. Пас аз якчанд соати камераи газӣ, то ду ҳафта ин бонанҳоро дар офтоб нигоҳ медоранд. Шунидаи ибораи камераи газӣ камее гӯшхарош аст ва дар таркиби ин меваҳо ягон чизи зараровар нест, аммо ягон чизи фоидаовараш ҳам нест. Витаминҳои меваву сабзавотҳо дар зери таъсири мутақобалаи нурҳои офтоб ба вуҷуд меоянд, аммо дар камераи газӣ офтоб нест, то ин меваҳоро бо витамин таъмин намояд. Дар бозору мағозаҳо себро қариб дар тамоми фасли сол дар фурӯ мебинем, аммо дар таҷрибае, ки дорем себро то моҳи феврал-март нигоҳ доштан мумкин аст. Пас чӣ тарз ин себҳо нигоҳ дошта мешаванд? Ҳама фикр мекунанд, ки меваҳоро бо парафин коркард менамоянд, аммо ин тавр нест. Парафинро асосан барои нигоҳдории сабзавотҳо истифода менамоянд, аммо барои меваҷот бошад, тамоман моддаи дигарро истифода менамоянд. Себи харидаатонро ба истакони оби гарм гузоред. Агар дар болои об қабати равғании монанд бо доғҳои нафтӣ пайдо гардад, пас дар ҳақиқатан ҳам маълум мегардад, ки ин нафт аст, аниқтараш дифенил. Дифенил масолеҳи коркарди нафт мебошад ва ҷараёни пӯсиши меваву сабзавотро суст гардонида, барангезандаи аллергия ба ҳисоб меравад, ки истифодаи он дар ИМА ва давлатҳои Иттиҳоди Аврупо манъ гардидааст. Дифенил ба меваҳо имкон медиҳад, ки доим «ҷавон» бимонанд. Меваи бо дифенил коркард карда шуда, пас аз як моҳ, ду моҳ ва ҳатто пас аз як сол ҳамон хел ҳамвор, равшан ва ҷилодор мемонад.Дифенил ба афзоиши парпанакҳо, ки ба пӯсиши меваҳо оварда мерасонанд, имкон намедиҳад ва ҳамин тавр мӯҳлати нигоҳдории онҳоро зиёд менамояд.
Ҷарроҳи ҷарроҳии пластикӣ метавонад зани синну солаш 60-соларо ба 20 сола мубаддал диҳад, аммо ин зан вуҷудан 60 сола мемонад. Таъсири дифенил ҳам чуни наст. Меваҳои коркард карда шуда ба назар тару тоза менамоянд, аммо зоҳир фиреб доданаш мумкин аст. Мумкин аст, ки дохили мева кайҳаст пӯсида рафта бошад. Агар чунин бошад, пас дар таркиби он метавонад моддаи заҳрдори барои инсон хавфнолки патулин ҳосил шуда бошад. Патулин микротоксин буда, аз тарафи парпанакҳои гуногун ҳосил мегардад ва хусусияти мутогеннӣ дорад. Ҳам дар ҳайвоноту ҳам дар одамизод токсикози шадидро ба вуҷуд оварданаш мумкин аст. Чунин меваҳоро дар бозорҳо муайян кардан мумкин аст. Пеш аз харид себро ламс намоед. Агар пӯсти он лағжон бошад, пас маълум мегардад, ки он бо дифенил коркард карда шудааст. Дар хотир дошта бошед, ки дифенил бо об тоза карда намешавад. Чунин меваҳоро бо собун шустану пӯсташонро бурида гирифтан лозим меояд.
Нет комментариев